កំពុងហ្វឹកហាត់មែន តែ Jin ទទួលបានរបបអាហារសុទ្ធតែឆ្ងាញ់ៗ

បន្ទាប់ពី Jin សមាជិកក្រុម BTS ចូលបម្រើក្នុងជួរកងទ័ព ARMYs នាំគ្នាតាមដានសុខទុក្ខពីតារាប្រុសរូបនេះយ៉ាងខ្លាំងមិនថា ការញ៉ាំ គេង និងរបៀបរបបរស់នៅផ្សេងទៀត កំលុងពេលហ្វឹកហាត់។

កាលពីថ្ងៃទី១៣ ខែធ្នូ គឺជាថ្ងៃដ៏រំជួលចិត្តសម្រាប់ ARMYs ទូទាំងពិភពលោក ក្រោយពេល Jin សមាជិកក្រុម BTS បានក្លាយជាសមាជិកដំបូងគេក្នុងក្រុមដែលបានចុះឈ្មោះចូលបំពេញកាតព្វកិច្ចយោធា។ អំឡុងពេលនេះ ហ្វេនៗពិតជាចង់ដឹងណាស់ថា តើការស់នៅរបស់ Jin នៅកន្លែងហ្វឹកហ្វឺន មានស្ថានភាពយ៉ាងណា ជាពិសេសរបបអាហារតែម្ដង។

ថ្វីត្បិតតែសកម្មភាពហ្វឹកហាត់ នៅក្នុងមូលដ្ឋានទ័ពភាគច្រើនមានលក្ខណៈឯកជនក៏ដោយ ប៉ុន្តែថ្មីៗនេះ ប្រភពពីសារព័ត៌មាន StarNewsKorea បានឱ្យដឹងថា របបអាហារសម្រាប់ Jin ជារៀងរាល់ថ្ងៃ មិនខុសអីពីរបបអាហាររបស់លោកនៅផ្ទះឡើយ ពោលគឺ​សមាជិក BTS រូបនេះ បានញ៉ាំអាហារសុទ្ធតែឆ្ងាញ់ៗ។

ប្រភពដដែលបានទម្លាយរូបភាពអាហាររបស់ Jin ដែលក្នុងនោះរួមមាន សាច់មាន់ ស៊ុប សាច់ជ្រូកបំពង ដំឡូងបារាំង ស៊ុតស្ងោរ និងគីមឈី ។ រូបភាព​ទាំងនោះក៏រួម​​មានបង្អែម និងភេសជ្ជៈដូចជា ​ទឹកដោះគោ ឬ​ទឹក​ទំពាំងបាយជូរ ​ដែល​ Jin អាចជ្រើសរើសបានទៀតផង។

ក្រោយពីដឹងពីរបបអាហារទាំងនេះ ARMYs ពិតជាអស់បារម្ភ ព្រោះថា idol របស់ពួកគេកំពុងញ៉ាំឆ្ងាញ់ និងរស់នៅមិនលំបាក ដូចពួកគេព្រួយនោះទេ៕

ប្រែសម្រួល៖ សន្យា

ចុចអាន៖ Jin ចូលបំពេញកាតព្វកិច្ចយោធា ចំពេលព្រំដែនកូរ៉េខាងត្បូង និងខាងជើង កំពុងតានតឹង

ចុចអាន៖ សាស្ត្រាចារ្យចិនម្នាក់ ធ្វើឱ្យនិស្សិតតម្រង់ជួរគ្នាចុះឈ្មោះចូលរៀន ព្រោះតែមានមុខមាត់ស្រដៀង Lisa