សាស្ត្រាចារ្យចិនម្នាក់ ធ្វើឱ្យនិស្សិតតម្រង់ជួរគ្នាចុះឈ្មោះចូលរៀន ព្រោះតែមានមុខមាត់ស្រដៀង Lisa

សាស្ត្រាចារ្យសកលវិទ្យាល័យនៅទីក្រុង Chongqing ប្រទេសចិន បានធ្វើឲ្យសិស្ស-និស្សិតសាកលវិទ្យាល័យ នាំគ្នាតម្រង់ជួរចុះឈ្មោះចូលរៀន ដោយសារតែនាងមានមុខមាត់ស្រដៀងនឹងតារាចម្រៀង Lisa សមាជិកក្រុម BLACKPINK។

សាស្ត្រាចារ្យ Tang ជាគ្រូបង្រៀនប្រវត្តិសាស្ត្រនៅមហាវិទ្យាល័យទូរគមនាគមន៍ចល័ត Chongqing ទទួលបានភាពបានល្បីល្បាញពេញបណ្ដាញសង្គម Weibo ព្រោះតែនាងស្រដៀងទៅនឹងតារាថៃ Lalisa ហើយដោយសារមូលហេតុនេះ ថ្នាក់រៀនរបស់នាង គ្មានកន្លែងអង្គុយនោះទេ ខណៈនិស្សិតប្រញាយគ្នាចុះឈ្មោះមិនទាន់។

ប្រព័ន្ធផ្សព្វផ្សាយចិន ​​រាយការណ៍​ថា​ និស្សិតជាច្រើនរយនាក់បានតម្រង់​ជួរ​គ្នាដើម្បី​ដណ្ដើម​កៅអីអង្គុយ​ក្នុង​ថ្នាក់​របស់​នាង ហើយ​ខ្លះ​ទៀត​បាន​នាំ​គ្នា​ទៅ​ឈរ​នៅ​ខាង​ក្រៅ​បង្អួច​ថ្នាក់​រៀន ​ដើម្បី​បានឃើញសាស្ត្រាចារ្យរូបនេះ។

ជាមួយនឹងវត្តមាននៃនិស្សិតជាច្រើននាក់ សាស្ត្រាចារ្យ Tang ពិតជាមាន​ការ​ភ្ញាក់​ផ្អើលខ្លាំងបំផុត ព្រោះនាងមិនដឹងខ្លួនថា ការបង្ហាញខ្លួនរបស់នាង​ទទួលបានការ​ចាប់​អារម្មណ៍ដល់ម្ល៉ឹងឡើយ។​ ​ភ្លាមៗនាង​បាន​ស្នើ​ឲ្យ​មិត្តភក្តិ ក៏ដូចជានិស្សិតទាំងអស់បញ្ឈប់ការ​ការ​ចែករំលែក​ព័ត៌មាន​​អំពី​នាងបន្ថែមទៀត។

បន្ទាប់ពីការស្នើសុំរបស់សាស្ត្រាចារ្យបវត្តិសាស្ត្ររូបនេះ មិនមានព័ត៌មានផ្សេងទៀតអំពីនាងសាយភាយលើអ៊ីនធឺណិតទៀតឡើយ ទោះបីជាអ្នកនិយមលេងអ៊ីនធឺណេតចង់ដឹងបន្ថែមយ៉ាងណាក្ដី ប៉ុន្តែទស្សនិកជនបានឃើញតែរូបភាពពីរបីសន្លឹករបស់នាងប៉ុណ្ណោះ៕

ប្រែសម្រួល៖ សន្យា

ចុចអាន៖ ជាតារាល្បីមែនពិត តែ Lisa ប្រើគ្រឿងសម្អាងប្រចាំថ្ងៃ តម្លៃធម្មតាៗប៉ុណ្ណោះ

ចុចអាន៖ លេចធ្លាយ វីដេអូរបស់ Jennie ឱបថើបបុរសម្នាក់យ៉ាងស្និទ្ធស្នាលក្នុងពិធីជប់លៀងមួយ