Jin ចូលបំពេញកាតព្វកិច្ចយោធា ចំពេលព្រំដែនកូរ៉េខាងត្បូង និងខាងជើង កំពុងតានតឹង

តារាចម្រៀង Jin នៃសមាជិកក្រុម BTS បានចាប់ផ្ដើមបំពេញកាតព្វកិច្ចយោធារបស់ខ្លួន កាលពីថ្ងៃអង្គារ ទី១៣ ខែធ្នូ ឆ្នាំ២០២២ ក្នុងរយៈពេល ១៨ខែ ចំពេលដែលស្ថានភាពសន្តិសុខនៅព្រំដែនរវាងកូរ៉េខាងត្បូង និងកូរ៉េខាងជើង កំពុងប្រឈមនឹងភាពតានតឹង។

ក្រោយទទួលដំណឹងនេះ អ្នកគាំទ្ររាប់សិបនាក់បានប្រមូលផ្ដុំគ្នា ស្ថិតក្រោមអាកាសធាតុត្រជាក់ និងធ្លាក់ព្រិល ដើម្បីលើកទឹកចិត្ត Jin នៅឯជំរុំហ្វឹកហាត់ នាភាគខាងកើតនៃស្រុក Yeoncheon ជាកន្លែងដែលកងទ័ពជួរមុខត្រូវបានដាក់ពង្រាយដើម្បីការពារប្រឆាំងនឹងកូរ៉េខាងជើង។

គួររំលឹកថា ក្រុមចម្រៀងបុរស BTS បានប្រកាសការចុះឈ្មោះចូលបម្រើកាតព្វកិច្ចយោធាជាផ្លូវការ កាលពីខែតុលាកន្លងទៅ ដោយចាប់ផ្តើមពី Jin ដែលមានអាយុ ៣០ឆ្នាំ ខណៈក្រុម​ចម្រៀងទាំងមូល​នឹង​រួម​គ្នា​ឡើង​វិញ​នៅ​ឆ្នាំ ២០២៥ បន្ទាប់​ពី​បញ្ចប់​គម្រោង​រៀងៗ​ខ្លួន។

ដោយឡែក ចំពោះ Jin បន្ទាប់ពីការហ្វឹកហ្វឺនរយៈពេល ៥សប្តាហ៍ លោកនឹងត្រូវដាក់ពង្រាយទៅកាន់អង្គភាពផ្សេង ដែលពេលនេះនៅមិនទាន់មានការបញ្ជាក់ពីមន្ត្រីយោធានៅឡើយ៕

ប្រែសម្រួល៖ សន្យា

ចុចអាន៖ ផលិតកម្ម BIG HIT Music ប្រកាស​ស្នើ​ឱ្យ​អ្នក​គាំទ្រ និង​ប្រព័ន្ធ​ផ្សព្វផ្សាយ ​កុំ​មក​កន្លែង​ចុះឈ្មោះ រ​បស់ Jin

ចុចអាន៖ លេចធ្លាយ វីដេអូរបស់ Jennie ឱបថើបបុរសម្នាក់យ៉ាងស្និទ្ធស្នាលក្នុងពិធីជប់លៀងមួយ