ជីវិតកម្សាន្ដ

ម្ចាស់បទ “ចំប៉ាប៉ោយប៉ែត” លោក រ៉ម រ៉ឺន បានទទួលមរណភាពក្នុងវ័យ ៦៧ ឆ្នាំ

បានផុស

៣ years មុន

នៅ

ថ្ងៃអង្គារ ២០ ធ្នូ ២០២២

ដោយ

តារាចម្រៀងជើងចាស់ល្បីឈ្មោះក្នុងទសវត្ស ៨០-៩០ ដែលជាម្ចាស់សំនៀងដើមបទ «ចំប៉ាប៉ោយប៉ែត» លោក រ៉ម រ៉ឺន បានទទួលមរណភាពហើយ កាលពីថ្ងៃទី ១៧ ខែធ្នូ ឆ្នាំ ២០២២ កន្លងទៅ។ នេះបើយោងតាមការបញ្ជាក់ឲ្យដឹងពីម្ចាស់គណនីហ្វេសប៊ុកឈ្មោះ Marisa Ram ដែលអះអាងថា ជាកូនបង្កើតតារាចម្រៀងរូបនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម្ចាស់គណនីហ្វេសប៊ុករូបនេះបានរៀបរាប់ទាំងក្ដុកក្ដួលថា លោកឪពុករបស់ខ្ញុំ រ៉ម រ៉ឺន ដែលជាសិល្បករជើងចាស់បានស្លាប់ហើយ នេះគឺជាដំណឹងពិត និងច្បាស់ការ ហើយសូមឲ្យលោកឪពុកបានទៅដល់ទីឋានដ៏ស្ងប់សុខផងចុះ ជាតិក្រោយសូមឲ្យយើងក្លាយជាឪពុកកូន និងបានរស់នៅជុំគ្នារហូត កុំឲ្យរស់នៅឆ្ងាយគ្នាដូចជាតិនេះអី។

ប្រភពបាននិយាយទៀតថា លោកឪពុកខ្ញុំបានទៅដល់ទីឋានដ៏ស្ងប់សុខហើយ ប៉ាបានបន្សល់ទុកនូវមរតកសំឡេងដ៏ពីរោះ ទុកឲ្យកូនចៅស្ដាប់ និងចងចាំរហូតទៅ។ ចំណែកឯនៅលើទំព័រហ្វេសប៊ុកឈ្មោះ Ek Somphors ក៏បានបង្ហោះដែរថា សូមឲ្យលោកប៉ាទៅកាន់ទីឋានដ៏ស្ងប់សុខ បើជាតិក្រោយមានពិត សូមឲ្យយើងក្លាយជាឪពុកកូននឹងគ្នាទៀត តែសូមឲ្យបានរស់នៅជុំគ្នា មិនមែនរស់នៅឆ្ងាយគ្នាបែបនេះទេ។

តាមរយៈដំណឹងមរណភាពរបស់តារាជើងចាស់ល្បីឈ្មោះលោក រ៉ម រ៉ឺន នេះ គេឃើញមានអ្នកគាំទ្រ ព្រមទាំងសិល្បករ-សិល្បការិនីជាច្រើនបានសម្ដែងក្ដីរន្ធត់ស្លុតចិត្តខ្លាំងចំពោះការបាត់បង់ធនធានវីរសិល្បករដ៏មានប្រជាប្រិយភាព និងទេពកោសល្យផ្នែកវិស័យសិល្បៈខ្មែរ។ ក្នុងនោះក៏មានការផ្ញើសារចូលរួមរំលែកទុក្ខគ្រប់ៗគ្នាជាមួយក្រុមគ្រួសារលោកផងដែរ៕

អត្ថបទ ៖ ចាន់រ៉ា