បុរសចិនម្នាក់ ស្លាប់ដោយសារត្រូវក្តាមខាំឲ្យរបួស ក្រោយឆ្លងបាក់តេរីមួយប្រភេទ

យោងតាមកាសែត The Paper ឧបទ្ទវហេតុនេះបានចាប់ផ្តើមនៅពេលដែលបុរសជនជាតិចិន កំពុងរៀបចំក្តាមបៃតងនៅផ្ទះ។ ចៃដន្យ​គាត់ត្រូវក្ដាំខាំដៃឆ្វេង​ បណ្តាល​ឲ្យ​របួស​ស្រាល ដំបូង​គាត់​គិត​ថា​គ្មាន​គ្រោះថ្នាក់​អ្វី​ទេ និងគ្រាន់តែប្រើបង់រុំធម្មតាដើម្បីគ្របវា ហើយបន្តជីវិតធម្មតាដូចសព្វដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែក្នុងរយៈពេល ២៣ ម៉ោង ដៃរបស់គាត់ចាប់ផ្តើមហើម និងប្រែជាក្រហម ខ្ទុះចាប់ផ្តើមហូរចេញពីមុខរបួស ហើយស្រាប់ក្តៅខ្លួនឡើងមក ទើប​ក្រុម​គ្រួសារ​បញ្ជូន​គាត់​ទៅ​មន្ទីរពេទ្យភ្លាមៗ។ វេជ្ជបណ្ឌិតនិយាយថា ពិរុទ្ធជនពិតប្រាកដគឺ Vibrio Vulnificus ដែលជាបាក់តេរីដែលត្រូវបានគេស្គាល់ថា បណ្តាលឲ្យមានការរលាក necrotising fasciitis ដែលជាការឆ្លងដែលបំផ្លាញជាលិកាទន់នៃរាងកាយ។

ក្រោយមក ស្ថានភាពរបស់គាត់កាន់តែ​អាក្រក់​ក្នុង​រយៈពេល​មួយ​ម៉ោង​ប ន្ទាប់ពី​ត្រូវបាន​គេ​អនុញ្ញាតឲ្យ​ចូល​ចម្រាកក្នុងមន្ទីពេទ្យ។ មេរោគបានបង្កើត necrosis (ការស្លាប់នៃជាលិការាងកាយ) ជាលិកាស្បែក។ ស្បែកប្រែជាខ្មៅ ហើយមានខ្ទុះចេញមក ហើយចូលទៅក្នុងស្ថានភាពនៃការឆក់ទឹកកាមក្នុងរយៈពេល ២៤ម៉ោង។

បើទោះ​បី​ជា​ការ​វះ​កាត់​សង្គ្រោះ​បន្ទាន់ ​ត្រូវ​សម្អាត​មុខ​របួស​ជា​ច្រើន​ដង​ក៏​ដោយ ហើយចុងក្រោយ ដៃឆ្វេងត្រូវកាត់ផ្តាច់។ ប៉ុន្តែការឆ្លងមិនអាចគ្រប់គ្រងបានទេ។ គាត់បានស្លាប់នៅថ្ងៃទីប្រាំបួនបន្ទាប់ពីការរងរបួសដំបូង។

បាក់តេរី Vibrio vulnificus រស់នៅក្នុងទឹកសមុទ្រ ភក់ និងអាហារសមុទ្រ ជាពិសេសអយស្ទ័រ និងក្តាម។ វាអាចឆ្លងទៅមនុស្សតាមរយៈរបួស ឬពីការបរិភោគអាហារសមុទ្រឆៅ ឬមិនទាន់ឆ្អិន។

យោងតាមគ្លីនិក Cleveland អត្រាមរណភាពពីបាក់តេរីនេះគឺលើសពី ៥០% ប្រសិនបើមិនបានព្យាបាលទាន់ពេលវេលា ហើយបន្ទាប់ពី ៧២ ម៉ោង ការរស់រានមានជីវិតត្រូវបានកាត់បន្ថយយ៉ាងខ្លាំង។ វេជ្ជបណ្ឌិត​និយាយ​ថា បាក់តេរី​នេះ​គំរាម​កំហែង​ជា​ចម្បង​ដល់​អ្នក​ដែល​មាន​ប្រព័ន្ធ​ការពារ​ខ្សោយ ដូចជា​អ្នក​មាន​ជំងឺ​ទឹកនោមផ្អែម ក្រលៀន ឬ​ជំងឺ​ថ្លើម​៕

អត្ថបទ៖ សាង ស្រីល័ក្ខ

ចុចអាន៖របាំងមុខស្លឹកឈូក កំពុងពេញនិយមពីប្រជាជន ចិន ពាក់គេចពីកម្ដៅ