ជីវិតកម្សាន្ដ

ពីរឈុតរបស់តួឯកស្រីរឿង “សត្រូវមិត្ត” ក្នុងពិធីមង្គលការ សាមញ្ញតែប្រណីតភាពបំផុត

បានផុស

៣ years មុន

នៅ

ថ្ងៃពុធ ២១ ធ្នូ ២០២២

ដោយ

ក្នុងពិធីមង្គលថ្ងៃទី១ កាលពីម្សិលមិញ តារាសម្ដែង Patricia Good បានបញ្ចេញឈុតកូនក្រមុំពីរឈុតក្នុងថ្ងៃអាពាហ៍ពិពាហ៍របស់នាង ដោយរំលេចប្រណិតភាពបំផុតមិនធ្លាប់មាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងបរិយាកាសដ៏កក់ក្ដៅ កូនក្រមុំមកជាមួយរ៉ូបអាពាហ៍ពិពាហ៍២ឈុតដែលស្អាតប្លែកភ្នែក ខណៈឈុតដំបូងពេលព្រឹកតួឯកស្រីក្នុងរឿង “សត្រូវមិត្ត”រូបនេះ បានជ្រើសស្លៀកយីហោ asava ពណ៌ស និងបន្ថែមគ្រឿងសម្អាងដោយ yiim makeup ហើយជាពិធីមង្គលការបែបថៃ-ចិន ជាមួយពិធីតែមួយនិងចិញ្ចៀនភ្ជាប់ពាក្យ ដោយមានសាក្សីដូចជាក្រុមគ្រួសារ និងមិត្តភ័ក្ដិជិតស្និទ្ធចូលរួមប៉ុណ្ណោះ។

ដោយឡែកពេលរសៀល គឺជាសន្និសីទសារព័ត៌មានដែលបើកទូលាយដល់ប្រព័ន្ធផ្សព្វផ្សាយ កូនក្រមុំបានផ្លាស់ប្តូរទៅជារូបរាងផ្សេងទៀតមួយទៀត។ ចំណែកស្ទីលម៉ូដសក់បង្ហាញពីភាពស្រស់ស្អាតរបស់នាង ដោយពាក់រ៉ូបអាពាហ៍ពិពាហ៍សំយេះស្មា ចំណែកផ្ទៃខាងក្រោមវិញមានពីរស្រទាប់ដូចផ្កាកុលាប ព្រមទាំងបន្ថែមគ្រឿងអលង្ការពេជ្រប្រណីតលើដងខ្លួនយ៉ាងសមសួន។ ចំពោះរ៉ូបរៀបការទាំងពីរថ្ងៃនេះ Patricia Good ធ្លាប់និយាយថា នាងស្លៀកឈុតសាមញ្ញ និងងាយស្រួលស្លៀកតាមដែលអាចធ្វើទៅបាន។

សូមបញ្ជាក់ថា ពិធីអាពាហ៍ពិពាហ៍របស់គូស្នេហ៍ហៃសូនេះ នឹងរៀបចំនៅថ្ងៃទី ២២ ខែធ្នូ ហើយកូនក្រមុំនឹងស្លៀករ៉ូបមង្គលការប្រហែល៣ឈុតប៉ុណ្ណោះ។ ចំណែកម្សិលមិញ គ្រាន់តែជាថ្ងៃចូលរោងបំពាក់ចិញ្ចៀន និងលើកទឹកតែជូនញាតិមិត្តប៉ុណ្ណោះ៕

ប្រែសម្រួល៖ សាង ស្រីល័ក្ខ

Chompoo ញញឹមស្វាគមន៍ប្អូនថ្លៃ Patricia Good ផ្លូវការក្នុងគ្រួសារសេដ្ឋីពាន់លាន (kampucheathmey.com)

Related Topics:ប្រទេសថៃ តារាថៃ

ព័ត៌មានអន្ដរជាតិ២២ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា