ជីវិតកម្សាន្ដ

នាយ ចឺម មិនប្រកែកទេ បើជ្រុលជាប់ឈ្មោះជាព្រាននារីហើយនោះ

បានផុស

១០ ខែ មុន

នៅ

ថ្ងៃចន្ទ ២៦ ធ្នូ ២០២២

ដោយ

អ្នកគាំទ្របានដឹងហើយថា តារាចម្រៀងដែលត្រូវអ្នកគាំទ្រមួយចំនួនចាត់ទុកថាជាបុរសព្រាន គឺនាយ ចឺម កាលពីថ្មីៗនេះ បានប្រកាសដំណឹងយ៉ាងភ្ញាក់ផ្អើល ដោយបញ្ជាក់ថា អំឡុងពេល ២ ឆ្នាំទៀត ម្ដាយឲ្យរៀបការប្រពន្ធ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែក្រោយមកទៀត ក៏ស្រាប់តែទម្លាយរូបថត Pre -wedding ជាមួយនារីស្រស់ស្អាតម្នាក់ បង្កការភ្ញាក់ផ្អើលជាថ្មី។ កាលណោះរូបភាពដែលត្រូវបានតារាចម្រៀង នាយ ចឺម បង្ហោះនៅលើទំព័រហ្វេសប៊ុកផ្ទាល់ខ្លួននោះ មិនត្រឹមតែធ្វើឲ្យមានការចាប់អារម្មណ៍ទេ ក៏មានការលើកឡើងថា នាយ ចឺម ហាក់កំពុងបង្ហាញតម្រុយកាន់តែច្បាស់ពីរឿងរៀបការប្រពន្ធ ខណៈកន្លងមកតារាប្រុសរូបនេះបានបរាជ័យស្នេហាចំនួន ៤ ដងរួចមកហើយ។

ជុំវិញរឿងរ៉ាវខាងលើនេះ ក៏មានការរិះគន់ពីមហាជនថា នាយ ចឺម ជាតារាសម្បូរស្រីច្រើន ដែលមិនដឹងច្បាស់មួយណាឲ្យប្រាកដទេ។ ចំណែកខ្លះទៀតបាននិយាយស្រដៀងគ្នាថា នាយ ចឺម ជាព្រាននារីញ៉ែស្រីមិនរើសមុខឡើយ។ បន្ទាប់ពីការរិះគន់នេះ សាមីខ្លួននាយ ចឺម បានចេញមកទទួលស្គាល់ថា ជ្រុលគេនិយាយបែបនេះហើយ ក៏តាមនេះចុះ។

តារាចម្រៀងប្រុសសម្បូរមន្តស្នេហ៍ នាយ ចឺម បានបញ្ជាក់ឲ្យដឹងដោយខ្លីថា ស្អាតហើយសង្ហារអ៊ីចឹងតើបានជាជាប់ឈ្មោះថាព្រាន បើជ្រុលអ៊ីចឹង ក៏អ៊ីចឹង ទៅ។ ក្នុងនោះមានការលើកឡើងថា ព្រាននារីមធ្យម ងំព្រានខ្ទើយទៀត។ ឯខ្លះទៀតថា បើរឿងសង្ហាបងគិតថាធម្មតា តាមបងគិតមកពីប្អូនជាតារាទេទើបមានស្រីតោងច្រើន បើប្អូនមិនមែនតារាវិញ តើមានមនុស្សស្រីប៉ុន្មាននាក់មើលប្អូន។

គួរបញ្ជាក់ថា លោក សុខ មេសា ហៅនាយ ចឺម ដែលជាតារាចម្រៀងវ័យក្មេងសំឡេងបាន បើនិយាយពីរឿងស្នេហាគិតមកដល់ពេលនេះលោកបានឆ្លងកាត់ការបែកបាក់សង្សារចំនួន ៤ នាក់មកហើយ ដែលនារីទាំងនោះសុទ្ធសឹងតែស្រីស្អាតក្នុងចង្កោមសិល្បៈដូចគ្នា៕

អត្ថបទ ៖ ចាន់រ៉ា