ជីវិតកម្សាន្ដ

ថ្ងៃឆ្លងឆ្នាំ ! ឆន សុវណ្ណារាជ ញញឹមបិទមាត់មិនជិត ព្រោះអ្នកប៉ោយប៉ែតធ្វើរឿងមួយនេះ

បានផុស

២ years មុន

នៅ

ថ្ងៃចន្ទ ២ មករា ២០២៣

ដោយ

តារាចម្រៀងប្រុសលំដាប់ជួរមុខលោក ឆន សុវណ្ណារាជ ស្របពេលទីផ្សារសិល្បៈបច្ចុប្បន្ននៅតែរក្សាបានការគាំទ្រច្រើនពីទស្សនិកជន និងមិត្តៗយុវវ័យ គេកត់សម្គាល់ឃើញថា រាល់សកម្មភាពចេញច្រៀង និងសម្ដែងនៅតាមបណ្ដាកម្មវិធីតន្ត្រីនានា លោកត្រូវបានទទួលការស្វាគមន៍យ៉ាងកក់ក្ដៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតតារាប្រុសលោក ឆន សុវណ្ណារាជ ថ្វីត្បិតមកទល់ពេលនេះលោកបានប្រឡូកក្នុងវិថីសិល្បៈយូរឆ្នាំហើយក្ដី តែតម្លៃខ្លួននៅលើទីផ្សារចម្រៀងគឺមិនបានធ្លាក់ចុះ ឬថមថយឡើយ។ ចំណុចនេះទើបធ្វើឲ្យលោក ឆន សុវណ្ណារាជ តែងបង្ហាញស្នាមញញឹម និងរីករាយពេលចេញច្រៀងនៅតាមខេត្តមួយចំនួន។

តួយ៉ាងនាឱកាសឆ្លងឆ្នាំ(២០២២ ចូល ២០២៣) តារាចម្រៀងលោក ឆន សុវណ្ណារាជ ហាក់បីដូចជាមានមោទនភាពសប្បាយរីករាយខ្លាំងចំពោះការគាំទ្រពីសំណាក់មហាជននៅក្នុងទឹកដីប៉ោយប៉ែត។

បង្ហោះភ្ជាប់រូបភាព នៃស្នាមញញឹមលោក ឆន សុវណ្ណារាជ បាននិយាយថា ឈុតធំហ្មងអ្នកប៉ោយប៉ែត អរគុណណាស់មនុស្សជាទីស្រលាញ់ ល្មមបានដើរលេងឆ្លងឆ្នាំថ្មីហើយ។

ប្រាកដណាស់អ្វីដែលធ្វើឲ្យលោក ឆន សុវណ្ណារាជ ថ្លែងទាំងអារម្មណ៍រំភើបរហូតញញឹមបិទមាត់មិនជិតនោះ ដោយសារតែការស្រលាញ់ ហើយគាំទ្រយ៉ាងកក់ក្ដៅពីសំណាក់បងប្អូននៅក្រុងប៉ោយប៉ែត។ ក្នុងនោះលោក ឆន សុវណ្ណារាជ ក៏ទទួលបានការផ្ដល់ជាកម្រងផ្កាដ៏ស្រស់ស្អាតដែលរៀបចំពីលុយទៀតផង៕

អត្ថបទ ៖ ចាន់រ៉ា