ឆន សុវណ្ណារាជ បង្ហាញឆន្ទៈជាថ្មី ថាឈប់ប្រើផលិតផលសៀម តាំងពីបាតជើងដល់ចុងសក់

តារាចម្រៀងលោក ឆន សុវណ្ណារាជ បានប្រកាសនូវឆន្ទ:របស់ខ្លួនជាថ្មីថា ចាប់តាំងពីសៀមបង្កសង្គ្រាមឈ្លានពានមកលើប្រទេសកម្ពុជាមកគឺខ្លួនលោកផ្ទាល់បានប្រើសិទ្ធិ ដោយជាតិនិយមឈប់ប្រើផលិតផលរបស់សៀមតាំងពីបាតជើងដល់ចុងសក់។

ការប្រកាសរបស់តារាចម្រៀងលោក ឆន សុវណ្ណារាជ ជាថ្មីនេះ បន្ទាប់ពីមើលឃើញការឈឺចាប់នូវទង្វើរយ៉ាងព្រៃផ្សៃរបស់ចោរសៀមមកលើប្រជាពលរដ្ឋនិងព្រះ សង្ឃបណ្តាលឲ្យរងរបួស ហើយសន្លប់ ក្នុងហេតុការណ៍ប៉ះទង្គិចដែលបង្កឡើយដោយទាហានសៀមបាន រាយបន្លាលួសសារជាថ្មី នៅក្នុងទឹកដីកម្ពុជាហើយត្រូ វបានកម្លាំងសាមគ្គីប្រជាពលរដ្ឋធ្វើកាតវ៉ាបណ្តាលឱ្យទាហានសៀម ប្រើអំពើ ហឹង្សាឃោរឃៅបាញ់ផ្សែងពុល បាញ់កាំភ្លើង គ្រាប់ជំពាមកៅស៊ូគ្រាប់ឃ្លីការប្រើឧ បករណ៍បំពងសម្លេងឮខ្លាំងជាដើម។

លោក ឆន សុវណ្ណារាជ អះអាងថា “ខ្ញុំជាតិនិយមឈប់គ្រប់បែបយ៉ាង (ផលិតផលទាំងអស់ពីសៀម) តាំងពីបាតជើងដល់ចុងសក់”។ លោកចោទជាសំណួរដែរថា “ម៉េចហើយអ្នកប្រើប្រាស់ផលិតផលសៀម? ឃើញឬនៅវាបាញ់វាធ្វើគ្រប់បែបយ៉ាងមកលើខ្មែរ? ឈឺចាប់អត់?”។

ក្នុងន័យនេះដែរ លោក ឆន សុវណ្ណារាជ ចាត់ទុកសកម្មភាពខាងលើនេះគឺជាអំពើដ៏ឃោរឃៅព្រៃផ្សៃ និងអមនុស្សធម៌មកលើប្រជាជនកម្ពុជាស្លូតត្រង់ ដែលគ្មានអាវុធហើយត្រូវចងចាំទុកជាប្រវត្តិសាស្រ្តមនុស្សជាតិ៕ ចាន់រ៉ា