ជីវិតកម្សាន្ដ

ឧកញ៉ា ខេមរៈ សិរីមន្ត ចូលផលិតកម្ម Galaxy Navatra ខណៈពិធីស្វាគមន៍នឹងធ្វើនៅល្ងាចនេះ

បានផុស

៣ years មុន

នៅ

ថ្ងៃសុក្រ ១៣ មករា ២០២៣

ដោយ

ប្រភពគួរឱ្យជឿទុកចិត្តមួយបានឱ្យដឹងថា ឧកញ៉ា ខេមរៈ សិរីមន្ត នឹងចុះកិច្ចសន្យាផ្លូវការក្លាយជាតារាចម្រៀងប្រចាំផលិតកម្ម Galaxy Navatra ខណៈពិធីទទួលស្វាគមន៍នឹងធ្វើនៅភោជនីយដ្ឋានទន្លេបាសាក់ទី២ ក្បាលថ្នល់នាល្ងាចថ្ងៃទី១៣ ខែមករា ឆ្នាំ២០២៣នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀង ខេមរៈ សិរីមន្ត មានឈ្មោះដើមថា ខែម ប៊ុនថៃ ត្រូវបានព្រះករុណា ព្រះមហាក្សត្រ ព្រះបាទសម្តេចព្រះបរមនាថ នរោត្តម សីហមុនី ប្រោសព្រះរាជទានគោរមងារជា ឧកញ៉ា កាលថ្ងៃទីទី១១ ខែកុម្ភៈ ឆ្នាំ ២០២២កន្លងមក។

ជាតារាចម្រៀងជើងចាស់ និងអ្នកជំនួញផ្នែកអចលនទ្រព្យផងនោះ កាលពីចុងឆ្នាំ២០២២ ឧកញ៉ា ខេមរ សិរីមន្ត ក៏បានប្រកាសតាមបណ្តាញសង្គមហ្វេសប៊ុកថា លោកនឹងត្រឡប់មកចូលរួមការប្រគំតន្ត្រីឱ្យសកម្មដូចមុនវិញហើយ។ ឧកញ៉ាបានបាត់មុខពីឆាកប្រគំដន្ត្រីប៉ុន្មានខែ ក្រោយពេលលោកទទួលបានគោរមងារជាឧកញ៉ា។

យ៉ាងណាមិញទាក់ទងនឹងព័ត៌មាននេះ កម្ពុជាថ្មី មិនអាចទាក់ទងឧកញ៉ា ខេមរៈ សិរីមន្ត ដើម្បីធ្វើការអធិប្បាយនៅឡើយ ខណៈអ្នកគាំទ្រកំពុងទន្ទឹងរង់ចាំ៕