ជីវិតកម្សាន្ដ
ជីជី បកស្រាយការពិត ក្រោយផ្ទុះការរិះគន់ស្រលាញ់ស្រីដូចគ្នា
កាលពីថ្មីៗកន្លងមកនេះ ពិធីការិនីសាច់ស ស្រឡូន កញ្ញា ជីជី បានធ្វើឲ្យមហាជន និងអ្នកគាំទ្រមានការភ្ញាក់ផ្អើលគ្រប់គ្នា ក្រោយតារាស្រីរូបនេះបានបង្ហាញភាពស្និទ្ធស្នាលផ្អែមល្ហែមជាមួយនារីម្នាក់ដែលត្រូវបានគេស្គាល់ឈ្មោះ សូរិយា។
ជាការពិតមិនត្រឹមតែបញ្ចេញនូវភាពផ្អែមល្ហែមថតកៀកកើយគ្នានោះទេ កាលណោះកញ្ញា ជីជី ថែមទាំងបានប្រកាសថា ពួកគេទាំងពីរនាក់ បានកំពុងសាងស្នេហាស្រីភេទដូចគ្នាទៀតផង។ ដំណឹងនេះ ក៏មានអ្នកគាំទ្រមួយចំនួនសម្ដែងការអបអរសាទរ ប៉ុន្តែខ្លះទៀតបានផ្ទុះការរិះគន់ និងវែកញែកចង់ដឹងការពិតចំពោះទំនាក់ទំនងរបស់អ្នកទាំងពីរ។
ទន្ទឹមគ្នានេះដែរ បន្ទាប់ពីព័ត៌មាននេះត្រូវបានបន្តចែកចាយនៅលើបណ្ដាញសង្គម ព្រមជាមួយការរិះគន់ និងពាក្យជេរប្រមាថមិនសមរម្យមួយចំនួន សាមីខ្លួនកញ្ញា ជីជី និងស្រីស្អាត សូរិយា បានចេញមកបកស្រាយការពិតជុំវិញរឿងរ៉ាវដ៏រសើបនេះ។ ក្នុងវីដេអូបកស្រាយនោះ ត្រូវបានសាមីខ្លួនអ្នកទាំងពីរបញ្ជាក់ច្បាស់ថា តាមរយៈសកម្មភាពផ្អែមល្ហែមរបស់អ្នកទាំងពីរកន្លងមក គឺពុំមែនជារឿងពិតទេ ផ្ទុយមកវិញនេះគ្រាន់តែការសម្ដែងប៉ុណ្ណោះ។
កញ្ញា ជីជី បានបញ្ជាក់ថា សម្រាប់នាងសព្វថ្ងៃក៏មានសង្សាររួចហើយ ចំណែក សូរិយា ក៏មានសង្សារដែរ គឺពួកគេសុទ្ធតែមានគូកំណាន់ចិត្តរៀងៗខ្លួន ដូច្នេះមិនបានស្រលាញ់ស្រីដូចគ្នា។
ជាមួយការបកស្រាយនេះ កញ្ញា ជីជី ក៏ដូចកញ្ញា សូរិយា បានស្នើដល់មហាជនកុំឲ្យមានការរើសអើងអ្នកស្រលាញ់ភេទដូចគ្នា និងចូលរួមលើកទឹកចិត្តចំពោះពួកគាត់ផង ព្រោះថាការស្រលាញ់ភេទដូចគ្នាពុំមានកំហុសអ្វីឡើយ៕
អត្ថបទ ៖ ចាន់រ៉ា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង