ជីវិតកម្សាន្ដ

បវរកញ្ញាចក្រវាលថៃ Anna ស្លៀកឈុតក្រហមបង្អួតសាច់យ៉ាងចាស់ដៃ ក្នុងថ្ងៃចូលឆ្នាំ ចិន

បានផុស

១ ខែ មុន

នៅ

ថ្ងៃចន្ទ ២៣ មករា ២០២៣

ដោយ

ថ្វីត្បិតតែមិនទទួលបានជយលាភីលើឆាក Miss Universe 2022 ក៏ពិតមែន ប៉ុន្តែបវរកញ្ញាចក្រវាល Anna Sueangam iam នៅតែទទួលបានការចាប់អារម្មណ៍ពីសំណាក់អ្នកគាំទ្រជាច្រើន។ ជាពិសេសនោះគឺ ការស្លៀកពាក់តុបតែងកាយរបស់នាង នៅថ្ងៃចូលឆ្នាំចិនតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្មីៗនេះ កម្មវិធីប្រលងបវរកញ្ញាចក្រវាលថៃ ដោយ TPN Global បានបង្ហាញរូបភាពរបស់នាងក្នុងឈុតសំលៀកបំពាក់ដ៏ស្រស់ស្អាតដូចម្ចាស់ក្សត្រី ក្នុងរ៉ូបពណ៌ក្រហមវែងអូសដី។ ភ្លាមៗនោះដែរ មហាជនប្រុស-ស្រីជាច្រើនបានសម្រុកចូលមកបញ្ចេញមតិលើរូបភាពរបស់Anna ខណៈអ្នកគាំទ្រខ្លះចូលមក Like និងComment សរសើរនាងខុសៗគ្នាថា បើទោះបីជា Anna មិនបានជាប់ក្នុងវគ្គកំពូល១៦ក៏ពិតមែន ប៉ុន្តែសម្រស់របស់នាងនៅតែចែងចាំងមិនថាស្ថិតក្នុងឈុតមួយណាឡើយ។ ម៉្យាងទៀតសម្រស់នាងពិតជាទាក់ទាញខ្លាំងមិនថាឈុតសម័យឬបុរាណ ដែលនាងធ្លាប់បង្ហាញកន្លងមកនោះទេ។

សូមជម្រាបដែរថា Anna Sueangam iam បានចូលរួមក្នុងការប្រលងបវរកញ្ញាចក្រវាលថៃឆ្នាំ ២០២២ នៅថ្ងៃទី ៣០ ខែកក្កដា ឆ្នាំ ២០២២ នាងបានគ្រងមកុដជាបវរកញ្ញាចក្រវាលថៃបន្តពីនាង Anchilee Scott-Kemmis ដែលជាបវរកញ្ញាចក្រវាលថៃឆ្នាំ ២០២១ នៅចុងបញ្ចប់នៃព្រឹត្តិការណ៍នេះ។ នាងក៏តំណាងឲ្យប្រទេសថៃក្នុងការប្រកួតបវរកញ្ញាចក្រវាលលើកទី ៧១ ដែលធ្វើឡើងនៅទីក្រុង New Orleans នៃរដ្ឋ Louisiana ប៉ុន្តែមិនទទួលបានជយលាភីណាមួយឡើយ៕