ស្វាមីតារាចិន Claudia Wang ត្រូវចាប់ខ្លួនពីបទបោកប្រាស់ 

តារាចិនអ្នកស្រី Claudia Wang Likun សម្រេចចិត្តលែងលះស្វាមីដោយសារលោកជាប់ទោសពីបទបោកប្រាស់ ហើយករណីនេះដែរ កំពុងស្ថិតក្រោមការស៊ើបអង្កេតពីប៉ូលិស ។

មុនរៀបការតារាស្រីវ័យ ៣៧ ឆ្នាំ Claudia ធ្លាប់មានទំនាក់ទំនងស្នេហាជាមួយតារាប្រុស Kenny Lin Gengxin ម្ដងរួចមកហើយ ទោះបីអ្នកទាំងពីរមិនបានបំភ្លឺពីពាក្យចចាមរ៉ាមនេះក្ដីក៏គេតែងតែប្រទះឃើញណាត់គ្នាជារឿយៗរហូតដល់ពេលស្នេហាទៅមុខលែងរួច ទើប Claudia ងាកទៅរៀបការជាមួយបុរសអ្នកជំនួញម្នាក់ក្នុងឆ្នាំ ២០១៩ វិញ ។

បច្ចុប្បន្នស្វាមីអ្នកមានរបស់នាងកំពុងស្ថិតក្រោមសំណាញ់ច្បាប់ដោយសារការបោកប្រាស់អតិថិជនជាច្រើននាក់ពាក់ព័ន្ធនឹងបញ្ហាលក់ផ្ទះក្នុងទឹកប្រាក់ចំនួន ៨០០ លានយ័ន គិតជាដុល្លារប្រហែល ១១៨ លានដុល្លារ ។

បន្ទាប់ពីបែកធ្លាយព័ត៌មានទ្រព្យសម្បត្តិជាង ២២០ លានយ័នរបស់តារាស្រី Claudia ត្រូវបានបង្កក សូម្បីការងារក៏ត្រូវបាត់បង់ ។

ទន្ទឹមនេះមហាជនជាច្រើនសង្ស័យថាជីវិតស៊ីវីល័យរបស់ Claudia ទាំងអស់បានមកពីលុយកខ្វក់របស់ស្វាមីនាងជាក់ជាមិនខាន ជាពិសេសផ្ទះនិងរថយន្ត Rolls Royce តម្លៃ ៥០ លានយ័នដែលប្ដីនាងទិញឲ្យ ៕

ប្រែសម្រួល ៖ វារី

ចុចអាន ៖ តាមពិតឪពុកម្ដាយ ហ្វាន ពីងពីង មិនពេញចិត្តអតីតមិត្តប្រុសរបស់នាងឡើយ