Zheng Shuang បង្ហាញមុខហើមខ្លាំង ខណៈសង្ស័យថា បុរសអ្នកមានជួយចិញ្ចឹម

៤ឆ្នាំបន្ទាប់ពីរឿងអាស្រូវដ៏គួរឲ្យភ្ញាក់ផ្អើលមួយនៅក្នុងឧស្សាហកម្មកម្សាន្ត Zheng Shuang បានជ្រើសរើសទៅរស់នៅសហរដ្ឋអាមេរិក។ រូបរាងរបស់តារាសម្តែងរូបនេះ ត្រូវបានគេនិយាយថាកំពុងធ្លាក់ចុះ ដែលបង្កឲ្យមានការសង្ស័យថា នាងកំពុងទទួលបានការគាំទ្រផ្នែកហិរញ្ញវត្ថុពីបុរសអ្នកមានម្នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម ​​១៦៣ ពេលវេលាប្រចាំថ្ងៃថ្មីៗរបស់តារាសម្ដែងស្រីវ័យ៣៤ឆ្នាំ ត្រូវបានចែកចាយនៅលើប្រព័ន្ធផ្សព្វផ្សាយសង្គម។ នៅក្នុងរូបថត តារាស្រីលេចឡើងជាមួយនឹងមុខរឹង និងហើមយ៉ាងខ្លាំង។

អ្នកលេងអ៊ីនធឺណិតសង្ស័យថា តួចិនរូបនេះបានទទួលការវះកាត់កែសម្ផស្ស។ នាងត្រូវបានគេចោទប្រកាន់ថា ចាក់ថ្នាំ Botox ដែលបណ្តាលឲ្យថ្ពាល់ និងបបូរមាត់មើលទៅហើម និងមិនស្មើគ្នា។ អ្នកអត្ថាធិប្បាយម្នាក់បានសរសេរថា នាងមើលទៅខុសគ្នាទាំងស្រុងពីមុន។ បើគ្មានចំណងជើងទេ ខ្ញុំនឹងមិនស្គាល់នាងថាជា Zheng Shuang តារាចិនដ៏ល្បីល្បាញម្នាក់នោះទេ ដោយការបញ្ចេញមតិនោះទាក់ទាញការចូលចិត្តរាប់ពាន់នាក់។

កាលពីអតីតកាល Zheng Shuang មិនបានលាក់បាំងការពិតដែលថានាងបានវះកាត់កែសម្ផស្សនោះទេ។ នាងបានវះកាត់ជាច្រើនដង ដើម្បីទទួលបានមុខដ៏ស្រទន់ និងចុះសម្រុងគ្នា និងច្រមុះស្ដើង។

បួនឆ្នាំបន្ទាប់ពីចាកចេញពីវិស័យសិល្បៈ តួស្រីរូបនេះបានរស់នៅជីវិតឯកជន។ គេនិយាយថា នាងរស់នៅប្រកបដោយផាសុកភាព និងវិបុលភាពនៅសហរដ្ឋអាមេរិក ទោះបីជាមិនធ្វើការក៏ដោយ។ ពាក្យចចាមអារ៉ាមខ្លះបានបង្ហាញថា តារាស្រីបានផ្តល់កំណើតឲ្យកូនសម្រាប់អ្នកជំនួញអ្នកមានម្នាក់ ដូច្នេះហើយទើបនាងទទួលបានវីឡា រថយន្តទំនើបៗ និងការចំណាយប្រចាំខែដើម្បីទិញទំនិញ និងចាយវាយដោយសេរី។

Zheng Shuang ក៏ត្រូវបានគេនិយាយថា ទទួលប្រាក់ដើម្បីសងបំណុលមួយចំនួន និងដើម្បីផ្គត់ផ្គង់ឪពុកម្តាយរបស់នាង។ តារាស្រីរូបនេះនៅស្ងៀម មិនឆ្លើយតបនឹងព័ត៌មានណាមួយអំពីជីវិតឯកជនរបស់នាងឡើយ។

កើតនៅឆ្នាំ ១៩៩១ Zheng Shuang ធ្លាប់ជាតារាល្បីម្នាក់នៅក្នុងឧស្សាហកម្មកម្សាន្តចិន ជាមួយនឹងគម្រោងជាច្រើន។ នៅឆ្នាំ ២០១៧ នាងក៏ត្រូវបានបញ្ចូលក្នុងបញ្ជីតារាអាស៊ីឆ្នើមអាយុក្រោម ៣០ ឆ្នាំរបស់ Forbes China។ ទោះជាយ៉ាងណាក៏ដោយ កេរ្តិ៍ឈ្មោះរបស់នាង បានដួលរលំដោយសារតែរឿងអាស្រូវក្នុងជីវិតផ្ទាល់ខ្លួន និងអាជីពរបស់នាង៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

Zhao Lusi រងភាពចម្រូងចម្រាស ដោយសារតែតួនាទីក្នុងភាពយន្ត «Gen-Z»