តារាចម្រៀងជេីងចាស់លោកគ្រូ នូ សុិប កំពុងមានជំងឺប្រចាំកាយ ខណៈជីវភាពខ្វះខាតខ្លាំង

ដូចអ្នកគាំទ្រធ្លាប់ដឹងហើយថា តារាចម្រៀងជើងចាស់លោកគ្រូ នូ ស៊ិប បច្ចុប្បន្នគឺលោកកំពុងមានជំងឺប្រចាំកាយ និងជួបការខ្វះខាតខ្លាំងដោយមកសុំស្នាក់នៅជាមួយផ្ទះកូនធម៌យ៉ាងកម្សត់ និងគួរឲ្យអាណិតខ្លាំងណាស់។

កន្លងមកត្រូវបានប្រភពមួយចំនួនក្នុងរង្វង់សិល្ប:បានបង្ហើបឲ្យដឹងថា តារាចម្រៀងល្បីឈ្មោះលោកគ្រូ នូ ស៊ិប សម្រាប់ជីវភាពសព្វថ្ងៃគឺលោកកំពុងមានការខ្វះខាតក្រោយពេលដែលអាជីពសិល្ប:ក៏ត្រូវបានបាត់បង់ទីផ្សាច្រៀងស្ទើរទាំងស្រុងព្រោះតែមានវ័យកាន់តែចាស់ និងមានជំងឺប្រចាំកាយទៀតនោះ។

តារាចម្រៀងលោកគ្រូ នូ ស៊ិប ត្រូវបានបញ្ជាក់ថា បច្ចប្បន្ននេះលោកមានជំងឺប្រចាំកាយដូចជា លើស ឈាមនិងដុំសរសៃ​ជើងជាដើម។ ម្យ៉ាងទៀតអ្វីដែលកាន់តែអនិច្ចាថែមទៀត គឺលោកគ្រូចំណាយពេលវេលាស្ទេីរមួយជីវិតជាមួយសិល្បៈប៉ុន្តែរកផ្ទះមួយជ្រកគ្មានទេ ខណ:កន្លងមកលោកផ្ញើខ្លួនរស់នៅតាមបន្ទប់ជួល និងក្រោយមកអស់លទ្ធភាពរក​លុយបង់ថ្លៃបន្ទប់ជួលលោកក៏បានមកសុំស្នាក់អាស្រ័យផ្ញើវាសនាជាមួយកូនធម៌នៅឯម្តុំវត្តភ្នៀត។

សូមជម្រាបដែរថា លោក នូ ស៊ិប មានអាយុ៧៦ឆ្នាំ ​​បានធ្លាក់ខ្លួនឈឺដុំសរសៃជើង និងលើសឈាមមានរយៈពេលយូរឆ្នាំ​មកហើយពេលនេះស្ថានភាពជំងឺលោកកាន់តែដុនដាបខ្លាំង។ លោកគ្រូ នូប ស៊ិប កាលពីថ្មីៗកន្លងទៅក៏ធ្លាប់រៀបរាប់ប្រាប់​ឲ្យដឹងដែរថា សព្វថ្ងៃលោកកំពុងមានជំងឺប្រចាំកាយដូចជា លើសឈាម និងដុំសរសៃជើង ខណ:ជំងឺតែងធ្វើទុក្ខស្ទើរជាប្រចាំ។ ម្យ៉ាងទៀតលោកក៏ពុំមានលទ្ធភាពដើម្បីទៅរកពេទ្យព្យាបាលនោះដែរ។

លោក នូ ស៊ិប គឺជាតារាចម្រៀងជើងចាស់រូបដែលគ្មានប្រពន្ធ និងកូននោះទេពោល គឺកន្លងមកលោកគ្រូរស់នៅតែម្នាក់​ឯង។ រយៈកាលប៉ុន្មានឆ្នាំចុងក្រោយនេះជំងឺប្រចាំកាយរបស់លោកពិតជាធ្វើទុក្ខក្នុងខ្លួនខ្លាំងរហូតដល់សឹងទ្រាំមិនបានឡើយ៕

អត្ថបទ៖ ចាន់រ៉ា