ជីវិតកម្សាន្ដ

គឹម លីហ្សា បំផុសអ្នកគាំទ្រឲ្យចូលរួមអភិរក្ស និងថែរក្សាសត្វក្ងោក

បានផុស

២ years មុន

នៅ

ថ្ងៃចន្ទ ១៣ មីនា ២០២៣

ដោយ

ដោយការស្រលាញ់ និងចូលចិត្តសត្វក្ងោក តារាសម្ដែងរូបស្រស់អ្នកនាង គឹម លីហ្សា បានចេញមកបំផុស ក៏ដូចជាធ្វើការអំពាវនាវដល់អ្នកគាំទ្រ ព្រមទាំងមហាជនខ្មែរទូទៅ ឲ្យនាំគ្នាចូលរួមអភិរក្ស និងថែរក្សាសត្វក្ងោកឲ្យបានល្អបំផុតនៅក្នុងប្រទេសកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់គេបានស្គាល់សត្វក្ងោកច្បាស់ ដោយសារស្លាប និងកន្ទុយរបស់ក្ងោកឈ្មោលមានលក្ខណៈពិសេស ស្រស់ស្អាត និងភ្លឺចែងចាំង។ កន្ទុយរបស់សត្វក្ងោកឈ្មោលដ៏ស្រស់ស្អាត ដែលរំលេចពណ៌ដូចឥន្ទធនូ មានរោមស្លាបជាង ២០០។ សត្វក្ងោក ក៏ត្រូវបានចុះបញ្ជីជាប្រភេទបក្សីដែលជិតផុតពូជបំផុតនៅលើពិភពលោកក្នុងបញ្ជីក្រហមរបស់អង្គការ IUCN។

ដោយឡែកបើចាប់អារម្មណ៍មកមើលតារាសម្ដែងអ្នកនាង គឹម លីហ្សា ព្រោះតែឃើញនូវភាពស្រស់ស្អាត នៃសត្វក្ងោក និងដើម្បីចូលរួមការថែរក្សាការពារចំពោះសត្វបក្សីមួយនេះ នាងបានអំពាវនាវឲ្យចូលរួមអភិរក្ស។

អ្នកនាង គឹម លីហ្សា បានថ្លែងសារខ្លីពីចំណាប់អារម្មណ៍របស់ខ្លួនថា ក្ងោកជាសត្វដែលស្រស់ស្អាតបំផុត យើងគួរតែអភិរក្ស និងថែរក្សាឲ្យបានល្អបំផុត។ មានទស្សនៈជាច្រើន បានសម្ដែងការគាំទ្រ ការលើកឡើងរបស់ គឹម លីហ្សា ខាងលើ។

សូមជម្រាបថា តារាសម្ដែងអ្នកនាង គឹម លីហ្សា បច្ចុប្បន្នក្រៅតែពីមមាញឹកអាជីពសិល្បៈ គឺមួយរយៈពេលប៉ុន្មានឆ្នាំនេះ ពិតជាកាក់កបមែនទែន ជាមួយការងាររកស៊ីផ្ទាល់ខ្លួន បន្ទាប់ពីជោគជ័យក្នុងមុខជំនួញជាច្រើន ជាពិសេសការបើកហាងលក់ម្ជូរ ក៏ដូចជាការលក់ផលិតផលផ្សេងៗទៀតជាដើម៕

អត្ថបទ ៖ ចាន់រ៉ា