អ្នកនិពន្ធ សុន រដ្ឋា បកស្រាយច្បាស់ៗ ខណៈ ឈិន រ័ត្ន បន្តបកអាក្រាតរឿងសន្យាធ្វើបទចម្រៀង

កាលពីពេលថ្មីៗកន្លងមកនេះ អ្នកនិយមតាមដានវិស័យសិល្ប:បានដឹងហើយថា រឿងរ៉ាវរវាងអ្នកនិពន្ធល្បីឈ្មោះលោក សុន រដ្ឋា និងអតីតបេក្ខភាពប្រឡងចម្រៀងលំដាប់ថ្នាក់ពិភពលោកគឺលោក ឈិន រ័ត្ន បានបញ្ចេញប្រតិកម្មឆ្លើយតបគ្នាម្តងរួចមកហើយបន្ទាប់ពីមានការចុះផ្សាយថា ឈិន រ័ត្ន បានធ្លាក់ខ្លួនទៅបញ្ចូលហ្គាសនៅឯស្រុកកំណើតព្រោះគ្មានទីផ្សាច្រៀង។

កាលណោះក៏មានការលើកឡើងថា មូលហេតុដែលអតីតបេក្ខភាពលេចធ្លោ Cambodian Idol រដូវកាលទី៤ លោក​ឈិន រ័ត្ន ធ្លាក់ខ្លួនទៅបញ្ចូលហ្គាសលក់ព្រោះលោកអស់សង្ឃឹមក្នុងរង់ចាំការសន្យារបស់អ្នកនិពន្ធល្បីឈ្មោះម្នាក់ដែលគេស្គាល់ថា លោក សុន រដ្ឋា ប្រៀបដូចកាប់បំពង់រង់ចាំទឹកភ្លៀង។ ក្នុងនេះដែរក៏មានការរៀបរាប់ថាលោក ឈិន រ័ត្ន ពិតមានក្តីអស់សង្ឃឹមខ្លាំងទៅលើអ្នកនិពន្ធរូបនោះព្រោះការនិយាយកាលពីមុន គឺគ្រាន់ជាសន្យាខ្យល់ប៉ុណ្ណោះ។

បន្ទាប់ពីមានការលើកឡើងដូចខាងលើអ្នកនិពន្ធលោក សុន រដ្ឋា បានចេញមកប្រតិកម្មឆ្លើយតបម្តងរួចមកហើយជុំវិញបញ្ហានោះ។ ប៉ុន្តែរំលងមិនបានប៉ុន្មាន ក៏មានការចុះផ្សាយតាមរយ:កិច្ចសម្ភាសន៍លោក ឈិន រ័ត្ន ជាថ្មី។ នៅក្នុងខ្លឹមសារនោះបានដាក់ថា ឈិន រ័ត្ន ចេញមកបកស្រាយទម្លាយការពិតគ្មានសល់ជុំវិញរឿងរ៉ាវអ្នកនិពន្ធល្បីឈ្មោះ សុន រដ្ឋា ប្រកា ស​ថា ជួយតែបែរជាមិនជួយរហូតដល់ធ្លាក់ខ្លួនធ្វើជាអ្នកបញ្ជូលហ្គាស់។

ក្រោយមានការបកស្រាយ និងទម្លាយជាថ្មីរបស់លោក ឈិន រ័ត្ន ស្រាប់តែអ្នកនិពន្ធលោក សុន រដ្ឋា ចេញមកប្រតិកម្មភ្លាមៗដោយបញ្ជាក់យ៉ាងច្បាស់ទៅកាន់លោក ឈិន រ័ត្ន ។ លោក សុន រដ្ឋា បានភ្ជាប់សំណេរថា ក្រុមបងមានចេតនាអី្វជាមួយខ្ញុំឲ្យពិតប្រាកដបង ម្តងជាពីរដង? បងទិញជញ្ជីងហើយថ្លឹងរឿងឲ្យស្មើ។

អ្នកនិពន្ធ សុន រដ្ឋា បញ្ជាក់ថា “ខ្ញុំអត់ការងារធ្វើជាងកន្លះឆ្នាំ ចាប់តាំងចប់ការងារនៅប្រទេសថៃជាមួយ អនុ ស្សាវរីយ៍ តើឲ្យខ្ញុំជួយលោក រ័ត្ន ហ្នឹងទាំងដែលខ្ញុំនិងក្រុមគ្រួសារកំពុងពិបាករឿងសេដ្ឋកិច្ចហ្នឹងមែនទេ? ខ្ញុំទើបតែចុះកុងត្រាថ្មីនៅទ្រនុំថ្មីមិនទាន់បាន១ខែផងពុំទាន់បានប្រុងប្រៀបនឹងជួយលោកឯង(ឈិន រ័ត្ន)ផង បកចឹកបាត់ហើយ ហើយលុយភ្លេងលោក រ័ត្ន គួរតែសួរ និងចូលរួមចំណែកជួយបើលោកចង់បានឲ្យខ្ញុំជួយខ្លាំង ឬលោក រ័ត្ន ចង់បាននំអត់ចាយលុយ? ។

លោក សុន រដ្ឋា បន្ថែមទៀតថា ជាង១២ឆ្នាំក្នុងសិល្ប: ខ្ញុំជួយអ្នកចម្រៀងច្រើនសមគួរដែរ ហេតុអី្វមកផ្តល់សម្ពាធឲ្យខ្ញុំតែលោក រ័ត្ន ហ្នឹងមួយ? បងយកព័ត៌មានខ្ញុំទៅផ្សាយផងកុំធ្ងន់ម្ខាងស្រាលម្ខាង ខ្ញុំនិងក្រុមគ្រួសារចង់ដេកលក់ស្រួលអហោ​សិកម្មឲ្យគ្នាចុះក្រុមគ្រួសារខ្ញុំគឺមានភាពចាំបាច់ជាងត្រូវរើសជម្រើសជួយអ្នក (លោក រ័ត្ន )។

គួររម្លឹកថា កន្លងមកបន្ទាប់ពីមានការចុះផ្សាយ និងចែករំលែកនូវព័ត៌មានដ៏រសើបជុំវិញអតីតបេក្ខភាពលេចធ្លោ Cambodian idol លោក ឈិន រ័ត្ន បានធ្លាក់ខ្លួនទៅបញ្ចូលហ្គាសនៅឯស្រុកកំណើតព្រោះតែគ្មានទីផ្សាច្រៀងព្រមទាំងអសើសង្ឃឹមចំពោះការសន្យារប ស់អ្នកនិព្ធទំនុកច្រៀងល្បីឈ្មោះម្នាក់នោះបានធ្វើឲ្យមហាជននិងអ្នកគាំទ្រចាប់អារម្មណ៍ហើយភ្ញាក់ផ្អើលជាថ្មី៕

អត្ថបទ៖ ចាន់រ៉ា