បង្ហាញខ្លួនលើកនេះ គ្រប់មិនជឿថា តួរឿងអាសអាភាស Shu Qi មានវ័យក្បែរ ៥០ឆ្នាំ

អតីតតួរឿងអាសអាភាសតៃវ៉ាន់ Shu Qi ត្រូវបានប្រព័ន្ធផ្សព្វផ្សាយជាតិ និងអន្តរជាតិលើកសរសើរពីសម្រស់ បន្ទាប់ពីបង្ហាញខ្លួនក្នុងព្រឹត្តិការណ៍ម៉ូដដ៏ប្រណីតមួយ ស្របពេលដែលឆ្នាំនេះនាងមានវ័យក្បែរ ៥០ឆ្នាំទៅហើយ។

ទោះបីវ័យកាន់តែជ្រៀជ្រេពិតមែន ប៉ុន្តែអតីតតួក្ដៅសាច់ Shu Qi នៅតែស្អាតខ្ញង់ សម្រស់នៅតែទាក់ទាញ និងលេចធ្លោ ពេលបង្ហាញវត្តមានជាមួយឈុតពណ៌ទឹកក្រូច និងពណ៌ស ក្នុងកម្មវិធីម៉ូដ នៅឯប្រទេសចិន។ នាងទទួលបានការចាប់អារម្មណ៍ពីទស្សនិកជនយ៉ាងខ្លាំង ដោយសាររូបរាងក្មេងជាងវ័យ រហូតធ្វើឱ្យគ្រប់គ្នាលាន់មាត់ថា មុខមាត់នាងមិនសមមានអាយុ ៤៧ឆ្នាំនោះទេ។

ដោយឡែកកាលពីពេលកន្លងទៅ តារាសម្ដែងរូបនេះធ្លាប់ទម្លាយថា ដើម្បីរក្សាខ្លួនឱ្យសាច់ចាំ និងនៅក្មេងបានយូរ នាងព្យាយាមចំណាយពេលហាត់ប្រាណយ៉ាងទៀងទាត់ និងប្រយ័ត្នប្រយែងចំពោះរបបអាហារផងដែរ៕

ប្រែសម្រួល៖ សន្យា

ចុចអាន៖ ទម្លាយប្រវត្តិ “រាជិនី​​រឿង​អាសអាភាស” នាង Shu Qi

ចុចអាន៖ The Weeknd គ្រងតំណែងជាសិល្បករពេញនិយមបំផុតលើភពផែនដី