ពេលនេះដឹងមូលហេតុពិត ការស្លាប់របស់ Barbie Hsu ឬតួសាន់ឆាយ

នៅព្រឹកថ្ងៃទី ៤ ខែកុម្ភៈ យោងតាមសារព័ត៌មាន Sohu បានរាយការណ៍អត្ថបទដែលបង្ហាញពីមូលហេតុពិតនៃការស្លាប់ភ្លាមៗរបស់ Barbie Hsu ឬតួសាន់ឆាយ។ យោងតាមរបាយការណ៍ តារាស្រីកើតក្នុងឆ្នាំ ១៩៧៦ មានជំងឺគាំងបេះដូង ខណៈពេលកំពុងធ្វើដំណើរទៅកាន់អាកាសយានដ្ឋានក្នុងប្រទេសជប៉ុន និងត្រឡប់ទៅតៃវ៉ាន់វិញ។ ក្រុមគ្រួសារ បានប្រញាប់ប្រញាល់នាំនាងទៅកាន់មន្ទីរពេទ្យក្បែរនោះ សម្រាប់ការព្យាបាលបន្ទាន់រយៈពេល១៤ម៉ោង ប៉ុន្តែនៅតែមិនអាចស្រោចស្រង់ឲ្យតារាស្រីរស់រានមានជីវិតបានឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សាន់ឆាយបានឆ្លងជំងឺផ្តាសាយ H1N1 ខណៈពេលកំពុងត្រាំទឹកក្តៅ។ ក្រោយមក ស្ថានភាពតួអង្គកាន់តែអាក្រក់ទៅៗ ដែលនាំឲ្យមានផលវិបាកសរសៃឈាមបេះដូង។ ជំនួសឲ្យការនាំនាងទៅកាន់មន្ទីរពេទ្យដែលនៅជិតបំផុតនៅ Hakone ប្រទេសជប៉ុនសម្រាប់ការព្យាបាលទាន់ពេលវេលា ដោយសារតែការព្រួយបារម្ភអំពីមណ្ឌលសុខភាពមិនគ្រប់គ្រាន់ ពួកគេចង់ឲ្យ Barbie Hsu ត្រឡប់ទៅតៃវ៉ាន់វិញសម្រាប់ការព្យាបាលដ៏ល្អបំផុត ប៉ុន្តែអ្វីៗបានខុសទាំងស្រុង។

នៅយប់មុនពេលកើតហេតុ Barbie Hsu នៅតែរាំជាមួយក្រុមគ្រួសារយ៉ាងសប្បាយរីករាយ។ ចាប់តាំងពីពេលដែល នាងបានដួលសន្លប់ រហូតដល់នាងស្លាប់ អ្វីៗបានកើតឡើងយ៉ាងឆាប់រហ័ស ដែលធ្វើឲ្យអ្នកដែលបានឃើញហេតុការណ៍នេះមានការតក់ស្លុតជាខ្លាំង។

ជាក់ស្ដែង តួសាន់ឆាយ មានបញ្ហាសុខភាពស្រាប់ទៅហើយ! នាងបានទទួលរងពីជំងឺក្រឡាភ្លើង និងការហូរឈាមក្រោយសម្រាលកូន ដែលនាំឲ្យមានប្រព័ន្ធភាពស៊ាំងាយរងគ្រោះខ្លាំង។ នៅពេលដែលតារាស្រីឆ្លងជំងឺផ្តាសាយប្រភេទ A រួមផ្សំជាមួយនឹងសួតខ្សោយរួចទៅហើយ និងភាពធន់មិនគ្រប់គ្រាន់នៅក្នុងរាយកាយ មិនអាចឲ្យនាងតស៊ូដើម្បីត្រឡប់មកផ្ទះវិញដើម្បីព្យាបាលនោះទេ។ នាងបានទទួលមរណភាព ខណៈពេលដែលម្តាយ ស្វាមី (DJ Koo) កូនពីរនាក់ និងប្អូនស្រី និងបងថ្លៃនៅក្បែរកាយ។

Barbie Hsu គឺជាតារាសម្តែង ចម្រៀង និងពិធីករទូរទស្សន៍តៃវ៉ាន់ដ៏ល្បីល្បាញម្នាក់ នាងត្រូវបានគេស្គាល់យ៉ាងទូលំទូលាយទូទាំងអាស៊ី សម្រាប់តួនាទីជាតួអង្គសាន់ឆាយ នៅក្នុងរឿងភាគទូរទស្សន៍បុរាណ Meteor Garden ក្នុងឆ្នាំ២០០១​ ដែលបានក្លាយជារូបតំណាងយុវវ័យសម្រាប់ទស្សនិកជនជំនាន់ក្រោយ។ ក្រៅពីការសម្តែង រូបនាងក៏មានសកម្មក្នុងវិស័យតន្ត្រី និងទូរទស្សន៍ជាមួយប្អូនស្រី Dee Hsu ក្នុងក្រុម ASOS ផងដែរ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ឈិនឡុង ទម្លាយជាសាធារណៈថា ខ្លួនមានជំងឺពិបាកផ្ចង់អារម្មណ៍ខ្លាំង