ជីវិតកម្សាន្ដ

ម្ចាស់បទ «សក់ខ្លី» បង្ហើបប្រាប់ពីអាការៈអ្នកប្រើប្រាស់គ្រឿងញៀនពេលអស់ជាតិថ្នាំ

បានផុស

៥ years មុន

នៅ

ថ្ងៃសុក្រ ២២ មករា ២០២១

ដោយ

តារាចម្រៀងរ៉េប ម្ចាស់បទ «សក់ខ្លី» ប្រុសឡា ថ្មីៗនេះបានថ្លែងសារដាស់តឿងស្មារតីចំពោះយុវវ័យមួយចំនួនដែលកំពុងតែលង់ខ្លួនជាមួយការប្រើប្រាស់គ្រឿងញៀន ក៏ដូចជាយុវជនឯទៀត ដែលមិនទាន់ធ្លាក់ខ្លួនចូលរណ្តៅមួយនេះ ឲ្យចៀសចេញឆ្ងាយពីបញ្ហាមួយនេះ ព្រោះថា គ្រឿងញៀនអាចបំផ្លាញអនាគត និងគ្រួសារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នា នៃការអំពាវនាវ និងដាស់តឿនអារម្មណ៍មហាជនទាក់ទងបញ្ហាគ្រឿងញៀននេះដែរ ប្រុសឡា ក៏បានបង្ហើបប្រាប់ និងចែករំលែកខ្លះៗអំពីស្ថានភាពជាក់ស្តែងរបស់បុគ្គលដែលបានឆ្លងកាត់ការប្រើប្រាស់គ្រឿងញៀន ដើម្បីឲ្យមហាជនបានដឹងជាសាធារណៈផងដែរ។ ផ្អែកតាមការបង្ហោះនៅលើគណនីហ្វេសប៊ុករបស់ ប្រុសឡា បានបញ្ជាក់បែបនេះថា ថ្នាំញៀនប្រភេទ ម៉ាទឹកកក នៅពេលដែលវាអស់ជាតិ វាធ្វើឲ្យមនុស្សអស់កម្លាំង គេងរហូត ស្ពឹកៗ គិតអ្វីក៏មិនចេញដែរទាមទារឲ្យប្រើប្រាស់វាបន្តទៀត។

តារាចម្រៀងរ៉េបរូបនេះ បាននិយាយបន្ថែមទៀតថា ចំពោះការប្រើប្រាស់វា(គ្រឿងញៀន)ច្រើនលើសកំរិត អត់គេង អត់ហូប ធ្វើឲ្យសតិចុះខ្សោយ គ្រប់គ្រងខ្លួនឯងមិនបាន ក្លាយជាមនុស្សឆ្កួត ប្តូរអត្តចរិត ក្បត់មិត្តភក្តិ និងគ្រួសារ ជាដើម។ ដូច្នេះទើបលោកបានធ្វើការអំពាវនាវឲ្យយុវជនទាំងអស់ត្រូវចៀសឆ្ងាយពីគ្រឿងញៀន ហើយត្រូវឆ្លើយថាទេ ចំពោះគ្រឿងញៀន៕

អត្ថបទ ៖ ចាន់រ៉ា