ជីវិតកម្សាន្ដ

ឆន សុវណ្ណារាជ ប្រកាសលុបចោលការងារជាច្រើន ក្រោយធ្លាក់ខ្លួនឈឺធ្ងន់

បានផុស

៤ ម៉ោង មុន

នៅ

ថ្ងៃព្រហស្បតិ៍ ២៥ ឧសភា ២០២៣

ដោយ

អ្នកគាំទ្រមានការភ្ញាក់ផ្អើល និងបារម្ភស្ទើរគ្រប់គ្នា បន្ទាប់ពីតារាចម្រៀងលោក ឆន សុវណ្ណារាជ បានប្រកាសថា ធ្លាក់ខ្លួនឈឺធ្ងន់ និងត្រូវលុបចោលការងារជាច្រើនដោយសារអាការជំងឺរបស់លោកមិនទាន់ធូរស្រាលឡើងវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការបញ្ជាក់ឲ្យដឹងពីលោក ឆន សុវណ្ណារាជ បាននិយាយថា មកដល់ពេលនេះលោកបានព្យាបាល និងតាមដានសុខភាពមានរយៈពេល ៣ ថ្ងៃហើយ។ ខណៈអ្នកគាំទ្រយល់ថា ការដែលតារាចម្រៀង ឆន សុវណ្ណារាជ ធ្លាក់ខ្លួនឈឺពេលនេះ ទំនងដោយសារតែលោករវល់ការងារច្រើនពេក ហើយគ្មានពេលសម្រាកគ្រប់គ្រាន់ ទើបធ្វើឲ្យសុខភាពរបស់តារាប្រុសរូបនេះមានសភាពចុះខ្សោយគួរឲ្យព្រួយបារម្ភ។

លោក ឆន សុវណ្ណារាជ បានបង្ហោះភ្ជាប់រូបភាពពីមន្ទីរពេទ្យថា «ឈឺបីថ្ងៃហើយ លើកនេះរាងធ្ងន់បន្តិច ការពិតទៅមិនចង់ផុសអួតទេអារឿងគេងពេទ្យហ្នឹង តែដោយសារត្រូវលុបចោលការងារគេច្រើនដែរបីថ្ងៃហ្នឹង អ៊ីចឹងសុំផុសបង្ហាញជាភស្តុតាង សូមអរគុណ»។ តាមរយៈដំណឹងនេះដែរ មានមហាជនមួយចំនួន បានផ្ញើសារសួរសុខទុក្ខ និងជូនពរឲ្យលោក ឆន សុវណ្ណារាជ ឆាប់ជាសះស្បើយពីជំងឺផងដែរ។

នៅព្រឹកថ្ងៃទី ២៥ ខែឧសភា ឆ្នាំ ២០២៣ នេះ កម្ពុជាថ្មី មិនអាចធ្វើការទំនាក់ទំនង ដើម្បីសូមការសួរនាំពីលោក ឆន សុវណ្ណារាជ បានទេ ជុំវិញការធ្លាក់ខ្លួនឈឺនាពេលនេះ រហូតសម្រេចប្រកាសលុបចោលការងារជាច្រើន៕

អត្ថបទ ៖ ចាន់រ៉ា