ជីវិតកម្សាន្ដ
ចាន់ សុផានី ត្រៀមឡាយឆ្លើយតបមនុស្សស្រីមួយចំនួនឆ្លៀតឱកាសជាន់ពន្លិចនាង និងកូន គ្មានអៀនខ្មាស
រហូតមកទល់ពេលនេះ រឿងរបស់អ្នកនាង ចាន់ សុផានី និងអតីតស្វាមីលោក កែ សុណ្ណារ៉េត ហៅហ្សូណូ នៅតែមានរលកកម្ដៅក្ដៅដូចបាយពុះលើបណ្ដាញសង្គមហ្វេសប៊ុក នាអំឡុងពេលជាច្រើនថ្ងៃចុងក្រោយនេះ ពាក់ព័ន្ធសំណើជួយចិញ្ចឹមកូនស្រីដែលជាដំណក់ឈាមរួមគ្នា។ ករណីនេះ បានធ្វើឲ្យមហាជនផ្ទុះការវែកញែកគ្រប់គ្នាចំពោះបញ្ហានេះ។
ជុំវិញបញ្ហានេះដែរគេកត់សម្គាល់ឃើញមានទាំងមតិលើកទឹកចិត្តអាណិតដល់អ្នកនាង ចាន់ សុផានី និងកូនស្រី ហើយក៏មានមតិខ្លះទៀតបានរិះគន់ទម្លាក់កំហុសមកលើនាង និងកូនស្រីផងដែរ។ ឃើញទង្វើនេះ ទើបធ្វើឲ្យអ្នកនាង ចាន់ សុផានី កើតក្ដីមិនពេញចិត្ត និងមានការហួសចិត្តខ្លាំង ប្រកាសត្រៀមឡាយឆ្លើយតបមនុស្សស្រីមួយចំនួនតូច ឆ្លៀតឱកាសជាន់ពន្លិចនាង និងកូន គ្មានអៀនខ្មាស។
អ្នកនាង ចាន់ សុផានី បានលើកឡើងថា «ថ្ងៃនេះ ខ្ញុំ នឹងឆ្លៀតរកពេលវេលាដ៏សមរម្យមួយ ដើម្បីឡាយតបទៅនឹងមនុស្សស្រីមួយចំនួនតូចដែលឆ្លៀតឱកាសជាន់ពន្លិចម្ដាយកូនខ្ញុំដោយគ្មានអៀនខ្មាសនូវទង្វើអសីលធម៌។ សូមពុកម៉ែបងប្អូនដែលមានសតិបញ្ញាដែលយល់ពីការឈឺចាប់ និងការប្រឹងប្រែងតស៊ូមិនគិតពីការហត់នឿយ ខិតខំធ្វើការទាំងយប់ទាំងថ្ងៃ ដើម្បីឲ្យកូនបានរៀនសូត្រចេះដឹងនឹងគេតែម្នាក់ឯង ដើម្បីជាទំពាំងស្នងឫស្សីជាប្រយោជន៍ដល់សង្គមជាតិ បែរជាត្រូវមនុស្សអមិត្តប្រមាថមើលងាយកូនស្រីនាងខ្ញុំដូច្នេះ»។
អតីតតារាសម្ដែងអ្នកនាង ចាន់ សុផានី បានបន្ថែមថា «សូមពុកម៉ែបងប្អូនដែលជាមនុស្សល្អ ដែលមានការពិចារណា មេត្តាយោគយល់សន្ដោសប្រោសប្រណីដល់ក្មេងស្រីតូចនេះដោយអនុគ្រោះផង ដោយការអាណិតស្រឡាញ់ម្ដាយ មានមេត្តាចំពោះម្ដាយ ទើបកូនផ្កា ធ្វើនូវកំហុសដោយអចេតនាព្រោះគំនិតក្មេងខ្ចី»។
សូមបញ្ជាក់ថា ចំពោះរឿងរ៉ាវស្នេហារវាងតារាចម្រៀងហង្សមាសលោក ហ្សូណូ និងអ្នកនាង ចាន់ សុផានី គឺបានចែកផ្លូវគ្នាតាំងពីកូនស្រីរបស់ពួកគេមានអាយុជិត ៥ ឆ្នាំម្ល៉េះ។ ហើយថ្មីៗនេះ អ្នកនាង ចាន់ សុផានី ក៏បាននិយាយថា បច្ចុប្បន្ននាងកំពុងរស់នៅជីវភាពលំបាក អត់លុយបង់ថ្លៃផ្ទះជួល ហេតុនេះស្នើសុំឲ្យ ហ្សូណូ អន្តរាគមន៍ជួយចិញ្ចឹម និងទំនុកបម្រុងកូនឲ្យបានរៀនសូត្រទៅមុខទៀតផង ព្រោះនាងគ្មានលទ្ធភាពទេ៕
អត្ថបទ ៖ ចាន់រ៉ា
-
ព័ត៌មានអន្ដរជាតិ១៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ