ជីវិតកម្សាន្ដ

បវរកញ្ញាកម្ពុជា វ៉ាន់ ប៊ី គ្រងឈុតតំណាងជាតិ ក្នុងការប្រកួតនៅប្រទេសថៃ

បានផុស

៣ years មុន

នៅ

ថ្ងៃអង្គារ ២០ មិថុនា ២០២៣

ដោយ

ទស្សនិកជន និងអ្នកគាំទ្រ បានសម្ដែងការសរសើរគ្រប់គ្នា បន្ទាប់ពីឃើញបវរកញ្ញាភេទទី ៣ កម្ពុជា កញ្ញា វ៉ាន់ ប៊ី គ្រងឈុតតំណាងជាតិក្នុងកម្មវិធីប្រកួតលើវេទិកា Miss-international Queen ២០២៣ នៅទឹកដីប្រទេសថៃ កាលពីរាត្រីថ្ងៃទី ១៩ ខែមិថុនា ឆ្នាំ ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ឈុតតំណាងជាតិដែលគ្រងដោយបវរកញ្ញាភេទទី ៣ កម្ពុជា វ៉ាន់ប៊ី មានឈ្មោះ “មុន្នីខេណីពិជ័យទេវី”។

នៅលើទំព័រហ្វេសប៊ុករបស់ វ៉ាន់ ប៊ី បានលើកឡើងថា «”មុន្នីខេណីពិជ័យទេវី”ឈុតជ្រើសរើសស្រោមមុខយក្សប្រុសមកកែឆ្នៃ ថែមក្បាំងនាង ក្នុងទម្រង់មុខប្រុសតែងស្រីប្រៀបបានទៅនឹង ស្ត្រីភេទទី ៣»។

បវរកញ្ញា វ៉ាន់ ប៊ី បានបញ្ជាក់ថា «ទោះមានរូបរាងខាងក្រៅជាមនុស្សប្រុស តែចិត្តគំនិតខាងក្នុងជាមនុស្សស្រីពេញលក្ខណៈ ដូចមនុស្សស្រីទូទៅ សូមបញ្ឈប់ការរើសអើងលើ Group LGBT»។

ម្ចាស់មកុដដែលជាភេទទី ៣ នៃការប្រកួត Miss-Queen Cambodia ២០២២ កញ្ញា វ៉ាន់ ប៊ី ត្រូវបានអ្នកគាំទ្រដឹងហើយថា នាងជាបវរកញ្ញាកំពូលសម្រស់ មានទាំងសមត្ថភាពដើរម៉ូដ និងចំណេះដឹងទូទៅ។

បន្ទាប់ពីបានក្លាយជាម្ចាស់មកុដដ៏សក្តិសមមួយនេះ បវរកញ្ញាភេទទី ៣ វ៉ាន់ប៊ី ក៏បានចូលរួមប្រកួតលើឆាកអន្តជាតិ។ វ៉ាន់ ប៊ី បានចាកចេញទៅប្រកួតនៅលើទឹកដីប្រទេសថៃកាលពីថ្ងៃទី ១២ ខែមិថុនា ឆ្នាំ ២០២៣ ដើម្បីតំណាងឲ្យកម្ពុជា ក្នុងវេទិកា Miss International Queen២០២៣ ដែលមានបេក្ខភាពមកពីប្រទេសផ្សេងៗចូលរួមប្រកួតដណ្ដើមមកុដ។

ការចេញទៅប្រកួតនេះបាននាំយកប្រទេសកម្ពុជា ទង់ជាតិកម្ពុជា វប្បធម៌ និងអរិយធម៌ដ៏ស្រស់ផូរផង់របស់កម្ពុជា ទៅបង្ហាញនៅលើឆាកអន្តរជាតិផងដែរ៕

អត្ថបទ ៖ ចាន់រ៉ា

Related Topics:តារាខ្មែរ វ៉ាន់ ប៊ី

ព័ត៌មានអន្ដរជាតិ២១ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា