ពិតទេ? Jennie នឹងបញ្ចប់កុងត្រាជាមួយ YG រួចចាកចេញពីក្រុម BLACKPINK

តាមរយៈការបង្ហោះនៅលើបណ្ដាញសង្គម Weibo មួយ កាលពីថ្ងៃទី១០ ខែកក្កដា អ្នកនិយមលេងអ៊ីនធឺរណិតបានអះអាងថា Kim Jennie សមាជិកក្រុម BLACKPINK នឹងចាកចេញពីក្រុមហ៊ុនគ្រប់គ្រងរបស់នាងក្នុងពេលឆាប់ៗនេះ។

នៅលើ Weibo នោះបានសរសេរថា “ដោយផ្អែកលើប្រភពដែលអាចទុកចិត្ត Jennie នឹងបញ្ចប់កិច្ចសន្យារបស់នាងជាមួយផលិត YG Entertainment បន្ទាប់ពីការប្រគុំតន្ត្រី Encore” ។

កាលពីកន្លងមក BLACKPINK បានប្រកាសការប្រគំតន្ត្រី Encore នៅក្នុងដំណើរទេសចរណ៍ពិភពលោក Born Pink នៅអាមេរិកខាងជើង ដោយការសម្តែង​កម្មវិធី​ចុងក្រោយ​របស់​ក្រុមនេះនឹងធ្វើឡើង​នៅ​ទីក្រុង Los Angeles នា​ថ្ងៃទី២៦ ខែសីហា ឆ្នាំ២០២៣។ ដូច្នេះមានន័យថា Jennie នឹងបញ្ចប់កុងត្រាកំលុងខែកញ្ញា ពោលគឺអំឡុងពេលដែលក្រុម​ BABYMONSTER ចេញសម្ដែងជាលើកដំបូង។

ការបង្ហោះខាងលើបានបង្កឱ្យមានការពិភាក្សាវែកញែកពាសពេញលើ Weibo កាលពីម្សិលមិញ។ ជាមួយគ្នានោះ Hashtag “Jennie នឹង​ត្រូវ​បញ្ចប់​កុងត្រា​ជាមួយ YG” បាន​ឡើង​ដល់​កំពូល​តារាងមានអ្នកស្វែងរកច្រើនបំផុត។

បន្ថែមពីលើនោះ ការ​បង្ហោះ​បាន​សរសេរបន្ថែម​ថា “Jennie នឹង​មិន​បន្ត​កុងត្រា​ផ្តាច់​មុខ​ជាមួយ​ផលិតកម្ម YG Entertainment ទៀតទេ ខណៈក្រុមហ៊ុន​កំពុង​ពិភាក្សា​ជាមួយ Lisa ព្រោះនាងក៏មាន​បំណង​ចាកចេញដែរ” ។ ដោយឡែក Rose ត្រូវបានបញ្ជាក់ថា នឹងចុះហត្ថលេខាជាមួយ Black Label ។ រីឯ Jisoo នឹងបន្តជាមួយ YG Entertainment ដដែល៕

ប្រែសម្រួល៖ សន្យា

ចុចអាន៖ ប្រឡូកពិភពតន្ត្រី ១១ឆ្នាំ D.O សមាជិក EXO ទើបតែបង្កើតគណនីបណ្ដាញសង្គម នៅថ្ងៃនេះ

ចុចអាន៖ ភ្ញាក់ផ្អើល តារាហ្វីលីពីនម្នាក់មានមុខមាត់ដូច Jennie ដល់ទៅ ៩៩ភាគរយ