ជីវិតកម្សាន្ដ

សួន ពិសិដ្ឋ ជួបរឿងស៊យបែកចិញ្ចើម ហើយលើកសំនួរថាជាលាភ ឬក៏អី្វ?

បានផុស

៣ ខែ មុន

នៅ

ថ្ងៃព្រហស្បតិ៍ ២៧ កក្កដា ២០២៣

ដោយ

លោក សួន ពិសិដ្ឋ ចាប់តាំងពីបានចាប់ផ្ដើមចូលប្រឡូកនៅក្នុងវិស័យសិល្បៈជាច្រើនឆ្នាំកន្លងមក អ្នកនិពន្ធល្បីឈ្មោះរូបនេះ បានសាងស្នាដៃជាច្រើនតាមរយៈការនិពន្ធបទចម្រៀងល្បីៗ និងពីរោះៗ ជាច្រើនសម្រាប់អ្នកសិល្បៈចាស់ក្មេង ប្រុស ស្រីជាច្រើនដួង។ ជាងនេះទៀត លោក សួន ពិសិដ្ឋ ក៏មានទេពកោសល្យផ្នែកសម្ដែងផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែរឿងដែលមហាជនចាប់អារម្មណ៍និងភ្ញាក់ផ្អើលខ្លាំងលើអ្នកនិពន្ធរូបនេះ ដោយហេតុថានៅរសៀលថ្ងៃទី២៦ ខែកក្កដា ឆ្នាំ២០២៣ នេះ លោក សួន ពិសិដ្ឋ បានប្រកាសដំណឹងថាលោកបានជួបរឿងស៊យរហូតបណ្ដាលឱ្យបែកចិញ្ចើមហូរឈាមពេញលើផ្ទៃមុខ។ ក្នុងនោះលោក សួន ពិសិដ្ឋ បានចោទជាសំណួរថា “ជាលាភ ឬក៏អី្វ?”។

លោក សួន ពិសិដ្ឋ បញ្ជាក់ថា «មិនមែនថតកុនទេ គឺបែកចិញ្ចើមពិតៗថ្ងៃនេះ ថ្ងៃអី? យកឡានមកលាងហើយ បើកទ្វារឡានឈ្ងោកឱនមើលជើងជាន់ទឹកលាងឡានប៉ប៉ិកប៉ប៉ាក់ផាំងវិលបែកចិញ្ចើមជួយប្រាប់ផងជាលាភ ឬក៏អី្វ?»។ តាមរយៈសំណេរនេះ ក៏មានការលើកឡើងថាលាភ ធំហើយលោកគ្រូ។

សូមបញ្ជាក់ថា អ្នកនិពន្ធល្បីឈ្មោះ សួន ពិសិដ្ឋ បានបន្សល់ទុកនូវស្នាដៃជាច្រើនសម្រាប់សង្គមជាតិ ជាពិសេសក្នុងវិស័យសិល្បៈមិនថាការសម្ដែងភាពយន្ត ការតែងនិពន្ធបទចម្រៀងប្រភេទស្នេហាមនោសញ្ចេតនា បទប្រភេទជីវិត លើកកម្លាំងចិត្ត ជាពិសេស គឺបទលើកឡើងពីមោទនភាពរបស់ប្រទេសជាតិផ្ទាល់តែម្ដង៕

អត្ថបទ៖ ចាន់រ៉ា