សួន ពិសិដ្ឋ ទើបទម្លាយថាខ្លួនជាឈាមជ័រអ្នកសិល្បៈ និងត្រៀមស្រាវជ្រាវចម្រៀងឪពុក ផលិត (Cover) ឡើងវិញ

មហាជនអ្នកគាំទ្រមានការភ្ញាក់ផ្អើល និងចាប់អារម្មណ៍បន្ទាប់ពីអ្នកនិពន្ធ និងជាតារាសម្តែងលោក សួន ពិសិដ្ឋ បានប្រកាសថា លោកត្រៀមស្រាវជ្រាវស្នាដៃបទចម្រៀងរបស់លោកឪពុកមកផលិត (Cover) ឡើងវិញ ដើម្បីរំលឹកគុណ។ តួយ៉ាង កន្លងមក លោក សួន ពិសិដ្ឋ មិនធ្លាប់បង្ហើបទេថា លោកមានឈាមជ័រឪពុកជាអ្នកសិល្ប:ឡើយ ទើបធ្វើឱ្យអ្នកគាំទ្រមានការចាប់អារម្មណ៍ ក្រោយលោកដាច់ចិត្តទម្លាយពីរឿងនេះ។

លោក សួន ពិសិដ្ឋ បានឱ្យដឹងថា ត្រឡប់ទៅឆ្នាំ១៩៩៥ លោកឪពុក អ៊ុយ សាខន និងកូនប្រុសដ៏ឆ្លាតសង្ហាប្រាជ្ញាទស្សនវិទូ សួន ពិសិដ្ឋ របស់គាត់។

លោក សួន ពិសិដ្ឋ បានរៀបរាប់ថា “ឪពូករបស់លោក ឈ្មោះ អ៊ុយ សាខន (ស្លាប់ឆ្នាំ១៩៩៨) ជាអតីតមន្រ្តីអគ្គនាយកវិទ្យុជាតិកម្ពុជា នៅទសវត្សរ៍ ៨០-៩០ និងជាអតីតអ្នកតែងនិពន្ធបទភ្លេងនិងទំនុកច្រៀងជំនាញឧបករណ៍ Piano។ លោកថា អ្នកសិល្បករឬអ្នកភ្លេងជំនាន់គាត់ គេដាក់ងារនិងតែងតែហៅគាត់ថាស្ដេចអកមាស លេងឧបករណ៍ខ្មែរមួយចំនួនដែរ ដូចជា ឃឹម ជាដើមចាប់ពីទសវត្សរ៍ ៦០ រហូតដល់ ៩០។

លោក សួន ពិសិដ្ឋ បានបន្តថា ក្នុងទសវត្សរ៍ ៨០ ស្នាដៃនិពន្ធបទសម្រាប់ជាតិមាតុភូមិមានច្រើន មានតម្កល់នៅវិទ្យុជាតិកម្ពុជា។ លោកថា ខ្ញុំចាំបានបទគាត់និពន្ធនៅមុខខ្ញុំតែម្ដងទាំងសរសេរទំនុកច្រៀងផង ទាំងចុចនិពន្ធលេងព្យាណូផងកាលពីខ្ញុំនៅក្មេងក្នុងឆ្នាំ១៩៩១ គឺ បទ “កុំស្រលាញ់ស្រីក្នុងវ័យសិក្សា” គេចូលចិត្តហៅថាបទ “ឆ្នាំកៅសិបមួយ” ។

លោក ពិសិដ្ឋ បញ្ជាក់ថា គាត់មានស្នាដៃបទជាច្រើនទៀត ដែលលោកនឹងស្រាវជ្រាវយកមកតម្កល់ទុកជូនគាត់និង Cover ឡើងវិញ រំលឹកស្នាដៃរំលឹកដឹងគុណជូនដល់លោកពុក អ៊ុយ សាខន ផងដែរ។ អ្នកនិពន្ធល្បី ឈ្មោះ សួន ពិសិដ្ឋ បានបន្សល់ទុកនូវស្នាដៃជាច្រើនសម្រាប់សង្គមជាតិ ជាពិសេសក្នុងវិស័យសិល្បៈ មិនថាការសម្ដែងភាពយន្ដ ឬការតែងនិពន្ធបទចម្រៀងប្រភេទស្នេហាមនោសញ្ចេតនាបទប្រភេទជីវិតលើកកម្លាំងចិត្តជាដើម៕ អត្ថបទ៖ ចាន់រ៉ា