Taylor Swift ឈ្នះពានរង្វាន់ដល់ទៅ ៩ ពីកម្មវិធី VMAs ម្សិលមិញ

​ក្នុង​កម្មវិធី MTV’s Video Music Awards កាល​ពី​ថ្ងៃ​អង្គារ ទី១២ ខែកញ្ញា តារា​ចម្រៀង​ប៉ុប Taylor Swift បាន​ឈ្នះ​ពាន​រង្វាន់​កំពូលៗដល់ទៅ ៣ ពីកម្មវិធី ដោយ​រួមមាន​វីដេអូ​ប្រចាំ​ឆ្នាំល្អបំផុត និង​ពាន​រង្វាន់​ពីរផ្សេងទៀត​ពីបទចម្រៀង “Anti-Hero” របស់​នាង។

បទចម្រៀង “​Anti-Hero” ពីអាល់ប៊ុម Midnights ដែលបានចេញផ្សាយកាលពីចុងឆ្នាំ២០២២ មិនត្រឹមឈ្នះពានរង្វាន់វីដេអូចម្រៀងមានប្រជាប្រិយបំផុត (Best pop Video) ប៉ុណ្ណោះទេ ប៉ុន្តែបទនេះបានឈ្នះបទចម្រៀងប្រចាំឆ្នាំ​ (Song of the Year) និងទិសដៅល្អបំផុត (Best Direction) ទៀតផង។ បន្ថែមពីលើពានរង្វាន់ធំៗទាំង ៣ នេះ តារាស្រីវ័យ ៣៣ឆ្នាំ នៅឈ្នះពានរង្វាន់ ៦ផ្សេងទៀតផងដែរ។

ក្រៅពី Taylor Swift តារាល្បីៗលំដាប់ពិភពលោកផ្សេងទៀតរួមមាន Rema, Selena Gomez, Demi Lovato, Lil Wayne, Olivia Rodrigo, Nicki Minaj និង Shakira ជាដើម ក៏បានឈ្នះពានរង្វាន់ប្រចាំឆ្នាំពីកម្មវិធី MTV’s Video Music Awards ឆ្នាំ២០២៣ ផងដែរ៕

ប្រែសម្រួល៖ សន្យា

ចុចអាន៖ ទម្លាយការសង្ស័យដែល Rosé និង Taylor Swift ចេញពីស្ទូឌីយោតែមួយ

ចុចអាន៖ ធ្លាប់តែឃើញរ៉េប និងស្លៀកពាក់សិចស៊ី តាមពិត Cardi B ជាមនុស្សអៀនប្រៀនខ្លាំង