ជីវិតកម្សាន្ដ

ភ្ជាប់ពាក្យ Taylor សូម្បីតែសែរាជវង្ស អង់គ្លេស ក៏រំភើបចិត្តជំនួស

បានផុស

៨ ខែ មុន

នៅ

ថ្ងៃព្រហស្បតិ៍ ២៨ សីហា ២០២៥

ដោយ

តារាចម្រៀងប៉ុប Taylor Swift និងតារាកីឡាបាល់ឱប Travis Kelce បានប្រកាសភ្ជាប់ពាក្យជាផ្លូវការ នៅព្រឹកថ្ងៃទី ២៧ ខែសីហា តាមរយៈការបង្ហោះរួមគ្នានៅលើ Instagram ។ ការបង្ហោះនេះទទួលបានការចាប់អារម្មណ៍យ៉ាងឆាប់រហ័សពីតារាល្បីៗជាច្រើន រួមទាំងគណនីផ្លូវការរបស់ព្រះអង្គម្ចាស់និងម្ចាស់ក្សត្រីនៃ Wales ក៏ដូចជាគណនីផ្ទាល់ខ្លួនរបស់ Duchess of Sussex Meghan Markle ។

ការកោតសរសើរនិងរំភើប របស់សែរាជវង្សអង់គ្លេសចំពោះ Taylor Swift មិនមែនជារឿងថ្មីទេ។ នៅថ្ងៃចម្រើនព្រះជន្មរបស់ទ្រង់ក្នុងខែមិថុនា ឆ្នាំ ២០២៤ ព្រះអង្គម្ចាស់ William បាននាំព្រះអង្គម្ចាស់ George (ព្រះជន្ម ១២ វសង្សា) និងម្ចាស់ក្សត្រី Charlotte (ព្រះជន្ម១០វស្សា) ទៅមើលការប្រគំតន្ត្រី Eras Tour របស់តារាចម្រៀង Taylor នៅទីក្រុងឡុងដ៍។

រូបភាពព្រះអង្គម្ចាស់ និងព្រះនាងកំពុងច្រៀងបទ Shake It Off ម្តងបានធ្វើឲ្យណ្តាញសង្គមផ្ទុះកក្រើកចែកចាយយ៉ាងគគ្រឹកគគ្រេង។ បន្ទាប់ពីកម្មវិធីនេះ សែរាជវង្សទាំងបីបានអង្គុយថតរូបនៅក្រោយឆាកជាមួយ Taylor និង Travis ដែលពេលក្រោយត្រូវបានគេចែករំលែកយ៉ាងទូលំទូលាយលើ Instagram តែម្ដង។

មិនត្រឹមតែព្រះអង្គម្ចាស់ William និងភរិយា Meghan Markle ក៏ជាអ្នកគាំទ្ររបស់ Taylor Swift ផងដែរ។ នៅឆ្នាំ ២០២៣ ទ្រង់បានចូលរួមកម្មវិធី Eras Tour នៅ SoFi Stadium (Los Angeles)។ យោងតាម Page Six នាង និងមិត្តជិតស្និទ្ធរបស់នាង Lucy Fraser បានជ្រមុជខ្លួននៅក្នុងបរិយាកាសដ៏រស់រវើក ថែមទាំងក្រោកឈរឡើងច្រៀងតាមបទចម្រៀង You Belong With Me ទៀតផង។

យ៉ាងណាមិញ មិនត្រឹមតែសែរាជវង្សអង់គ្លេសទេ ដែលរំភើបចិត្តនឹងការប្រកាស់ភ្ចាប់ពាក្យរបស់គូស្នេហ៍ល្បីល្បាញទូទាំងពិភពលោកនេះ សូម្បីតែប្រធាធិបតីលោក ដូណាល់ ត្រាំ ក៏បានផ្ញើសារជូនពរដល់តារាចម្រៀងប៉ុប Taylor Swift និងតារាកីឡាបាល់ឱប Travis Kelce សូមឲ្យពួកគេមានសុភមង្គលថែមទៀតផង។

គួរបញ្ចាកដែរថា ចិញ្ចៀនភ្ជាប់ពាក្យត្រូវបានរចនាឡើងដោយមិត្តប្រុ Travis Kelce សហការជាមួយ Kindred Lubeck នៃ Artifex Fine Jewelry ជាពិសេសសម្រាប់ Taylor Swift ។ ចិញ្ចៀនមួយវង់នេះដែរ ត្រូវបានរចនាបែបបុរាណដោយមានពេជ្រធំនៅចំកណ្តាល។ យោងតាមអ្នកជំនាញផ្នែកគ្រឿងអលង្ការ Benjamin Khordipour ពេជ្រកណ្តាលមានទម្ងន់ប្រហែល ៨ ការ៉ាត់ ហើយធ្វើដោយដៃទាំងស្រុង។ តម្លៃប៉ាន់ស្មាននៃចិញ្ចៀនគឺប្រហែល ៥៥០,០០០ ដុល្លារអាមេរិកឯណោះ៕

អត្ថបទ៖ សាង ស្រីល័ក្ខ

ចុចអាន៖សេពគប់គ្នាជិត៣ឆ្នាំ ទីបំផុត Travis សុំ Taylor រៀបការ អមដោយចិញ្ចៀនពេជ្រដ៏ធំសម្បើម