ជីវិតកម្សាន្ដ

ពេជ្រ សោភា៖ មានសំឡេងតែចរិតមិនល្អ មិនឲ្យតម្លៃការងារ កុំសង្ឃឹមល្បី

បានផុស

៣ years មុន

នៅ

ថ្ងៃសុក្រ ១៥ កញ្ញា ២០២៣

ដោយ

តារាចម្រៀងចាស់វស្សាអ្នកនាង ពេជ្រ សោភា សុខៗបានចេញមកផ្ដល់គំនិតដែលជាគន្លឹះបើក ផ្លូវក្នុងវិស័យចម្រៀងដល់អ្នកសិល្បៈជំនាន់ក្រោយ ដើម្បីពិចារណា។ ក្នុងនោះ ពេជ្រ សោភា បានបញ្ជាក់ថា តារាចម្រៀងមានសំឡេង តែបើចរិតមិនល្អ មិនឲ្យតម្លៃការងារ កុំសង្ឃឹមល្បី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុផលនេះ ត្រូវបានតារាចម្រៀងលំដាប់ជួរមុខរបស់ផលិតកម្មហង្សមាសអ្នកនាង ពេជ្រ សោភា លើកឡើងថា នរណាក៏ចង់ក្លាយជាតារាចម្រៀងល្បីឈ្មោះដែរ ប៉ុន្តែបើសិនបុគ្គលនោះ មានតែសមត្ថភាព ហើយខ្វះការទំនាក់ទំនងល្អ អត្តចរិតល្អ នៅក្នុងការងារ ឬធ្វើ ការជាក្រុម គឺមិនអាចល្បីបោះជំហានទៅមុខបានឡើយ។

អ្នកនាង ពេជ្រ សោភា បានបញ្ជាក់ថា «អ្នកណាក៏ចង់ក្លាយជាតារាចម្រៀងដែរ តែមានតែសម្លេង ចរិតមិនល្អ មិនគោរពការងារ មិនគោរពម៉ោង មិនឲ្យតម្លៃក្រុម ការងារកុំសង្ឃឹមល្បីជាអ្នកសិល្បៈ ស៊ូណាស់ សួរថាហេតុអី្វ សិស្សច្បងល្បីបានយូរគឺគោរពគ្រប់យ៉ាង»។ នេះជាបទពិសោធមួយដែលត្រូវបានអ្នកនាង ពេជ្រសោ ភា បានដាស់តឿនសម្រាប់អ្នកសិល្បៈជំនាន់ក្រោយ ។

ខ្លឹមសារ របស់តារាចម្រៀងអ្នកនាង ពេជ្រ សោភា ខាងលើចាត់ទុកថាជាការដាស់តឿន និងបានពន្យល់ច្បាស់ៗសម្រាប់អ្នកសិល្បៈជំនាន់ក្រោយ ដើម្បីអនុវត្តក្នុងការក្លាយខ្លួនជាអ្នកសិល្បៈដែលទទួលបានការគាំទ្រ និងរក្សាប្រជាប្រិយភាពដូចអ្នកសិល្បៈជើងចាស់ផ្សេងៗទៀត។យ៉ាងណា ប្រយោគនេះបានធ្វើឲ្យមហាជនគាំទ្រគំនិតលើកឡើងមួយនេះ៕

អត្ថបទ៖ ចាន់រ៉ា

Related Topics:តារាខ្មែរ អ្នកនាង ពេជ្រ សោភា

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា