Ploy លុបសារជូនពរថ្ងៃកំណើតរបស់ Tong ទំនងស្នេហាអ្នកទាំងពីរប្រេះឆាហើយ

ប្រកាសស្នេហាជាសាធារណៈមិនទាន់បាន ៤ខែស្រួលបួលផង​ ពេលនេះតារាសម្ដែង Ploy Chermarn បញ្ចេញទង្វើប្លែកៗជាមួយគូស្នេហ៍ Tong Twopee ចំថ្ងៃពិសេសរបស់នាង ស្របពេលដែលអ្នកគាំទ្រកំពុងសង្ស័យយ៉ាងខ្លាំងលើទំនាក់ទំនងរបស់ពួកគេ។

ប្រិយមិត្តសុទ្ធតែដឹងថា ទំនាក់ទំនងស្នេហារវាង Ploy និង Tong ពិតជាស្អិតរមួតជាមួយគ្នាខ្លាំងណាស់ រហូតដល់អ្នកគាំទ្រគិតថា អ្នកទាំងពីរអាចរៀបការឆាប់ៗទៀតផង ដោយសារសកម្មភាពផ្អែមល្ហែម និងជិតស្និទ្ធរបស់ពួកគេ។ យ៉ាងណាមិញ ការគិតរបស់អ្នកគាំទ្រ​ ពេលនេះហាក់ផ្ទុយស្រឡះ ក្រោយពេល Ploy បានលុបសារជូនពរថ្ងៃកំណើតរបស់​ Tong នៅលើគណនី Instagram របស់នាង។

កាលពីថ្ងៃទី១៥ ខែកញ្ញា ជាថ្ងៃកំណើតរបស់ Ploy ហើយ Tong បានសរសេរសារជូនពរនាងយ៉ាងផ្អែមល្ហែមនៅលើគណនី IG របស់នាង ប៉ុន្តែសារបែរជាត្រូវបានម្ចាស់គណនីលុបចោល ទាំងមិនទាន់ដល់ ២៤ម៉ោងផង។​ ជាមួយគ្នានាងសរសេរសារនៅលើ Story បែបក្រៀមក្រំពីរឃ្លា ហាក់ដូចជាបន្ទោសខ្លួនជាខ្លាំង។

ទង្វើទាំងនេះ ពិតជាមិនអាចឱ្យអ្នកគាំទ្រទប់ការសង្ស័យបាននោះទេថា ទំនាក់ទំនងរវាង Ploy និង Tong អាចកំពុងប្រេះឆា ឈានទៅរកការបែកគ្នា៕

ប្រែសម្រួល៖ សន្យា

ចុចអាន៖ អ្នកថា Aum Patcharapa សម្ដែងរឿងលែងមានអ្នកមើល ពេលនេះស្ងាត់មាត់ឈឹង