ជីវិតកម្សាន្ដ

អ្នកថា Aum Patcharapa សម្ដែងរឿងលែងមានអ្នកមើល ពេលនេះស្ងាត់មាត់ឈឹង

បានផុស

៣ years មុន

នៅ

ថ្ងៃសៅរ៍ ១៦ កញ្ញា ២០២៣

ដោយ

ការវាយតម្លៃរឿងភាគថ្មី ក្រោមចំណងជើងថា “Lom Phat Phan Dao” ពេលនេះកំពុងស្ថិតក្នុងកម្រិតទាបជាងការរំពឹងទុក រហូតមានអ្នកលេងអ៊ីនធឺណិតមួយចំនួនធំ បានបញ្ចេញមតិបែបលេងសើចថា ជាសម័យកាលដែលនាង Aum Patcharapa ធ្លាក់ចុះខ្លាំងហើយ។

យ៉ាងណាមិញ កាលពីពេលថ្មីៗនេះផងដែរ ការលេងសើចរបស់មនុស្សទាំងនោះត្រូវបរាជ័យទាំងស្រុង។ ស្របពេលដែលតារាស្រីលំដាប់ A រូបនេះត្រូវក្រុមហ៊ុនឱសថដ៏ធំមួយក្នុងប្រទេសសម្រេចជ្រើសរើសជាទូតសុឆន្ទៈ ដោយហ៊ានចំណាយប្រាក់វិនិយោគជាង ៥០ លានបាតដើម្បីយក Aum ធ្វើជាអ្នកតំណាងសម្រាប់ឱសថ Bella Para បង្កើតការយល់ដឹងទូលំទូលាយដល់អ្នកប្រើប្រាស់ជាងមុន។

ក្រោយដំណឹងនៃការទទួលបានប្រាក់ច្រើនសន្ធឹករបស់ Aum បានសាយភាយពាសពេញអ៉ិនធើណេត ធ្វើឲ្យអ្នកដែលធ្លាប់តែបញ្ចេញមតិថាឲ្យនាងហួសសសម័យកាលលេងរឿងភាគ បានស្ងាត់មាត់ឈឹងលែងតបត និងស្របមកវិញថា ត្បិតថានាងមិនអាចទាញប្រជាប្រិយភាពតាមរយៈភាពយន្តដូចពីមុនក៏ពិតមែន។ ប៉ុន្តែបើនិយាយពីផលិតផលទាំងក្នុងនិងក្រៅស្រុក តែងប្រថ្នាចង់បាន Aum មកធ្វើ BA ខណៈអ្នកខ្លះមិនត្រូវបាននាងទទួលយកថែមទៀតផង។

ជាពិសេសនោះថែមទៀត អ្នកគាំទ្រដ៏ស្មោះស្ម័គ្ររបស់នាងបាននិយាយដូចៗគ្នាថា បើទោះបីជា Aum Patcharapa មិនសម្ដែងរឿងដូចពីមុនក្ដី តែទ្រព្យសម្បត្តិនាងមានមិនខ្វះចាយ ហើយអាចទាញប្រាក់ចូលទៅក្នុងហោប៉ៅតាមរបៀបដ៏ធំមួយ ដោយមិនចំណាយកម្លាំងច្រើនឡើយ៕