ជីវិតកម្សាន្ដ

រតនៈ ពិសី ចាត់ទុក ២០២៣ ជាឆ្នាំរងគ្រោះ ប្រឈមបំណុលរាប់សិបម៉ឺនដុល្លារ ដោយសារតុងទីន

បានផុស

៦ ខែ មុន

នៅ

ថ្ងៃសុក្រ ២២ កញ្ញា ២០២៣

ដោយ

តារាចម្រៀងសិចស៊ី កញ្ញា រតន: ពិសី បានចាត់ទុកថាឆ្នាំ២០២៣ នេះ គឺជាឆ្នាំដែលនាងរងគ្រោះ រង ថ្មបាក់ ព្រោះជួបបញ្ហាប្រឈមរឿងរ៉ាវបំណុលរាប់សិបម៉ឺនដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់ព័ន្ធនឹងរឿងបំណុលរាប់សិបម៉ឺនដុល្លារដែលត្រូវគេជំពាក់នេះដែរ តារាស្រី រតន: ពិសី បានបញ្ជាក់ ថានាង គឺជាជនរងគ្រោះ ព្រោះត្រូវប្រឈមមុខចេញសងជំនួសគេ(សងជំនួសកូនបំណុល) ខណៈ រតនៈ ពិសី កន្លងមកនាងតែងបង្ហើបពីបញ្ហាជួបរឿងរ៉ាវពិបាកចិត្តព្រោះកូនតុងទីនបោកលើសេចក្ដីទុកចិត្តដោយគេជំពាក់លុយរាប់សិបម៉ឺនដុល្លារមិនព្រមសង។

ជាថ្មីម្តងទៀង ស្រីស្អាតសម្បូរសាច់ដើមទ្រូងទ្រលុកទ្រលន់ រតន: ពិសី បាននិយាយថា «២០២៣ ជាឆ្នាំដែលខ្ញុំរងគ្រោះ រងថ្មបាក់ រហូតទទួលយកខ្លួនឯងមិនចង់បានតែយ៉ាងណាក៏នៅតែបន្តទទួលរងគ្រប់យ៉ាង សុំទោសគ្រប់យ៉ាងមិនមែនមានតែខ្ញុំទេ….»។

ថ្វីត្បិតបញ្ហាបំណុលទាំងនេះកំពុងប្រឈម និងក្លាយ ជាបន្ទុកសម្រាប់នាងក្នុងការចេញមុខសងជំនួសកូនបំណុលមួយចំនួនយ៉ាងនេះក្តី។ ប៉ុន្តែតារាស្រីសិចស៊ី រតនៈ ថ្មីៗមុននេះ ក៏បានប្រកាសពីការពង្រឹងស្មារតីរឹងមាំដោះស្រាយរាល់គ្រប់បញ្ហា ដែលបាននឹងកំពុងប្រឈមកើតឡើងនៅចំពោះមុខដោយភាពក្លាហាននឹងមានទំនូលខុសត្រូវខ្ពស់បំផុត។

សូមជម្រាបដែរថា បន្ទាប់ការបង្ហាញមុខកូនបំណុលបន្តបន្ទាប់កញ្ញា រតនៈ ពិសី ក៏ធ្លាប់បានរម្លឹកដល់អ្នកលក់អនឡាញល្បីឈ្មោះ អឿន ម៉ូលីកា ដែលបច្ចុប្បន្នកំពុង ជាប់ទោសនៅពន្ធនាគារ ដូច្នេះថា «គ្រាន់តែ Mo Lika ម្នាក់ខ្ញុំអស់ជាង ១៨៤ ៥២០ ដុល្លារ តើអ្នកណាជួយខ្ញុំបានពេលនេះ ? ខ្ញុំត្រូវសងគេដែរ។ ចំណែកក្រៅពីនេះ ក៏ត្រូវបាន ពិសី បញ្ចេញអត្តសញ្ញាណជាបន្តបន្ទាប់ផងដែរ»៕

អត្ថបទ៖ ចាន់រ៉ា