ជីវិតកម្សាន្ដ

សំណាង អេលីណា សោកស្ដាយមិនទទួលបានលទ្ធផលល្អក្នុងការប្រកួតនៅជប៉ុន

បានផុស

១ year មុន

នៅ

ថ្ងៃចន្ទ ៣០ តុលា ២០២៣

ដោយ

កាលពីថ្មីៗនេះ អ្នកគាំទ្រ និងអ្នកដែលតែងតែនិយមតាមដានវិស័យបវរកញ្ញាកម្ពុជាបាន បង្ហាញការចូលរួមសោកស្ដាយគ្រប់គ្នា ខណៈដែលបវរកញ្ញាកម្ពុជា កញ្ញា សំណាង អេលីណា មិនអាចចូលទៅដល់ក្នុង Top កំពូល ណាមួយនៃការប្រកួត Miss International 2023 នៅទីក្រុង Tokyo ប្រទេសជប៉ុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីយ៉ាងណាសម្រាប់សាមីខ្លួនផ្ទាល់ក្រោយបញ្ចប់ការប្រកួត សំណាង អេលីណា បានចេញសារអរគុណដល់អ្នកគាំទ្រ និងមហាជនកម្ពុជាដែលបានលើកទឹកចិត្ត។ អេលីណា បានលើកឡើងថា «ដំណើរផ្សងព្រេងបានបញ្ចប់ជាដំបូងនាងខ្ញុំ សំណាង អេលីណា ពិតជាមានកិត្តិយសដែលមានឱកាសបានក្លាយជាបវរកញ្ញាតំណាងប្រទេសម្តងទៀត នាងខ្ញុំក៏បានចាប់យកឱកាសនេះប្រឹងប្រែងសាងកិត្តិយសជូនប្រទេសជាតិរបស់យើង»។

កញ្ញា សំណាង អេលីណា បញ្ជាក់ថា“ខ្ញុំពិតជាសោកស្ដាយដែលមិនបានទទួលលទ្ធផលល្អក្នុងការប្រកួត តែនាងខ្ញុំបានប្រឹងប្រែងអស់ពីកម្លាំងកាយ នឹងចិត្ត សម្រាប់ប្រទេសកម្ពុជាហើយក្តីស្រលាញ់នឹងការគាំទ្រពីពុកម៉ែបងប្អូនជាកម្លាំងចិត្តដ៏ធំធេងរបស់នាងខ្ញុំនៅក្នុងដំណើរប្រកួតមួយនេះ នាងខ្ញុំនឹងចងចាំបទពិសោធន៍នឹងអនុស្សាវរីយ៍មួយនេះជារៀងរហូតទៅ“។

បន្ថែមពីនេះសំណាង អេលីណា និយាយថា នាងមាន តែពាក្យអរគុណទៅដល់ពុកម៉ែ បងប្អូន ដែលតែងតែផ្ដល់ការស្រលាញ់នឹងកម្លាំងចិត្ត ធ្វើឲ្យដំណើរនៃការប្រកួតមួយនេះទៅមុខយ៉ាងរលូន មានតែពាក្យថាអរគុណអស់ពីក្រអៅបេះដូង។

ថ្វីត្បិតយ៉ាងនេះក៏ពិតមែន សម្រាប់ កញ្ញា សំណាង អេលីណា ឃើញថា នៅតែរក្សាបានការគាំទ្រ និងលើកទឹកចិត្តខ្លាំងពីសំណាក់ប្រជាជនកម្ពុជា ដែលនាងបាននាំយកឈុតតំណាងជាតិទៅបង្ហាញនៅលើឆាកអន្តរជាតិដើម្បីឲ្យពិភពលោកបានស្គាល់កាន់តែច្បាស់នូវអរិយធម៌ វប្បធម៌ខ្មែរ។

ដោយឡែកសម្រាប់អ្នកគាំទ្រមួយចំនួនទៀតនៅតែបន្តការលើកទឹកចិត្ត និងយល់ឃើញដែរថា ស្រីស្អាត សំណាង អេលីណា គឺនៅតែជា Miss តំណាងឲ្យកម្ពុជាដែលល្អផ្តាច់ ទោះបីមិនអាចចូលទៅក្នុង Top ណាមួយក៏ពិតមែន៕

អត្ថបទ៖ ចាន់រ៉ា