ជីវិតកម្សាន្ដ

សំណាង អេលីណា ក្លាយជា Miss International Cambodia តំណាងកម្ពុជា លើឆាកអន្តរជាតិ

បានផុស

៣ ម៉ោង មុន

នៅ

ថ្ងៃអង្គារ ១៩ កញ្ញា ២០២៣

ដោយ

កញ្ញា សំណាង អេលីណា ដែលជាកញ្ញាឯកចក្រវាលឆ្នាំ ២០១៩ (Miss Universe Cambodia 2019) ត្រូវបានជ្រើសរើសឲ្យក្លាយជា Miss International Cambodia 2023 តំណាងឲ្យប្រទេសកម្ពុជាចូលរួមប្រកួតនៅលើឆាកអន្តរជាតិនាពេលឆាប់ៗខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្រីស្អាត សំណាង អេលីណា មានអាយុ ២២ ឆ្នាំ កម្ពស់ ១.៧០ ស.ម នាងសិក្សាជំនាញទំនាក់ទំនងអន្តរជាតិ និងអាចប្រើប្រាស់ភាសាដូចជា ខ្មែរ អង់គ្លេស បានយ៉ាងស្ទាត់ជំនាញ។ អេលីណា ជាស្ត្រីដំបូងដែលតំណាងឲ្យប្រទេសកម្ពុជា ២ ដង ក្នុងការចេញទៅប្រកួតនៅលើឆាកអន្តរជាតិ។

តាមការបញ្ជាក់ឲ្យដឹងពីលោក ម៉ែន និមលរ័ត្ន អ្នកគ្រប់គ្រងក្រុមហ៊ុន CIM STARS បានលើកឡើងថា សំណាង អេលីណា គាត់ទាំងស្អាត ឆ្លាត វ័យក្មេង មានចំណេះដឹងភាសាអង់គ្លេសល្អ អត្តចរិតល្អ ជាមនុស្សទន់ភ្លន់ សុភាព មានសមត្ថភាពខ្លាំង ហើយមានភាពជាអ្នកដឹកនាំដែលសក្ដិសមតែងតាំងជាMiss International Cambodia 2023 ប្រកួតលើឆាកអន្តរជាតិ។

ក្នុងនោះក៏មានទស្សនៈពីអ្នកគាំទ្រដែរថា «អបអរសាទរទៅដល់ កញ្ញា សំណាង អេលីណា ដែលត្រូវបានតែងតាំងឲ្យក្លាយជា Miss International Cambodia ឆ្នាំ 2023 នឹងចូលរួមប្រកួតនៅក្រៅប្រទេសឆាប់ៗ នេះ។ ឆ្នាំនេះ កម្ពុជាយើង សុំ open door ថប់របស់កម្មវិធី Miss International ហើយណា ញាក់ណាស់ ទាំងសម្រស់ ចំណេះដឹង បទពិសោធន៍ធ្លាប់ជាប់ Miss Universe Cambodia 2019 អាចសង្ឃឹមTop ប៉ុន្មានភាគរយដែរ?»៕

អត្ថបទ ៖ ចាន់រ៉ា