តារាសម្ដែង Tik បង្ហោះឃ្លិបបង្ហាញកន្ទុយបារីពេញព្រលានយន្តហោះសុវណ្ណភូមិ

កាលពីពេលថ្មីៗនេះ តារាសម្តែងប្រុសលោក Tik Jesadaporn បានបង្ហោះឃ្លិបមួយតាមរយៈ Twitter (X) មានរយៈពេលប្រហែល ១២ វិនាទី ហើយត្រូវបានថតនៅអាកាសយានដ្ឋានសុវណ្ណភូមិ។ ត្រង់​ចំណុច​ដែល​ថត​បាន​មាន​សញ្ញា​បញ្ជាក់​ថា “តំបន់មិនជក់បារី អ្នកបំពានត្រូវផ្តន្ទាទោសពិន័យជាប្រាក់ ៥,០០០ បាត។ ប៉ុន្តែនៅពេលដែលកាមេរ៉ាបង្វែរទៅឥដ្ធបែរជាមានកន្ទុយបារីហូរហៀរ សញ្ញា​ទាំង​នោះ​ត្រូវ​បាន​សរសេរ​យ៉ាង​ច្បាស់មានច្បាប់ ប៉ុន្តែ​នៅ​តែ​មាន​អ្នក​រំលោភ​បំពាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពី​វីដេអូ​ឃ្លិបរបស់តារាសម្ដែង​ Tik Jesadaporn បង្ហោះលើប្រព័ន្ធអ៉ិនធើណេតអ្នកគាំទ្រនិងមហាជនជាច្រើនសម្រុកចូលទៅបញ្ចេញមតិព្រោងព្រាតថា ចំណុច​នោះ​ត្រូវ​បាន​កំណត់​ជា​តំបន់​មិន​ជក់​បារី។ ប៉ុន្តែ​ទាំង​ជនជាតិ​ថៃ និង​ជនបរទេស​មក​ជក់​បារី។ ក្នុងពេលដែលមន្ត្រី​នៅឃើញ​ហើយ​តែ​មិន​ខ្វល់ ​ហើយ​ពេល​ខ្លះ​វា​មិន​មែន​គ្រាន់​តែ​បារី​ទេ។ ប៉ុន្តែមានបារីអេឡិចត្រូនិច និងកញ្ឆា ហើយវាមើលទៅដូចជាកន្លែងដែល Tik កំពុងឈរប្រហែលជានៅក្នុងអាគារមួយ ដែលគួរហាមឃាត់ការជក់បារីយ៉ាងតឹងរ៉ឹង ប៉ុន្តែនៅតែមានមនុស្សដែលធ្វើវាទាំងបំពាន។

ទោះយ៉ាងណាក៏ដោយ ឃ្លិបដែល Tik Jesadaporn​​ ស្រាប់តែល្បី ស្របពេលដែលបណ្ដាញសង្គម Twitter របស់អាកាសយានដ្ឋានសុវណ្ណភូមិ បានឆ្លើយតបវិញថា AOT បានទទួលស្គាល់ពាក្យបណ្តឹងនេះ ហើយបានជូនដំណឹងដល់អាកាសយានដ្ឋានសុវណ្ណភូមិ ដើម្បីចាត់វិធានការបន្ត ដើម្បីឲ្យអ្នកដំណើរមានទំនុកចិត្ត រាល់មតិយោបល់ និងពាក្យបណ្តឹង AOT ត្រៀមខ្លួនរួចជាស្រេចក្នុងការស្តាប់ ដើម្បីអភិវឌ្ឍសេវាកម្មបន្ថែមទៀត។

យ៉ាងណាមិញ ជំពោះការជក់បារីពាសពាលពាសកាលនៅឯព្រលានយន្តហោះសុវណ្ណភូមិ ក្នុងទឹកដីប្រទេសថៃ ក៏មិនមែនជាលើកទីមួយនោះទេ។ ថ្វីបើមានការហាមឃាត់់ ឬបានបិទផ្លាកសញ្ញាហាមយ៉ាងណាណាក្ដី ប៉ុន្តែជារឿយៗ នៅតែមានអ្នកបំពានទាំងជនជាតិថៃផ្ទាល់និងជនបរទេសដូចគ្នា៕

អត្ថបទ៖​​ សាង​ ស្រីល័ក្ខ

ចុចអាន៖ក្រោយដឹងខ្លួនពីដួលសន្លប់ តួថៃ Winai ប្រាប់ស្ថានភាពផ្ទាល់ខ្លួន