បង្ហាញមុខក្នុងព្រឹត្តិការណ៍មួយ តារាចិន Zhao Lusi ត្រូវគេប្រៀបធៀបសម្រស់ដូចផ្កាកុលាប

បង្ហាញមុខក្នុងព្រឹត្តិការណ៍យីហោមួយ នៅទីក្រុង Chengdu កាលពីពេលថ្មីៗនេះ តារាសម្ដែងស្រី Zhao Lusi ស្ថិតក្នុងឈុតសម្លៀកបំពាក់ពណ៌ក្រហមឆ្អិនឆ្អៅឆ្លុះសាច់សខ្ចីបង្អួតសម្រស់លើឆាកក្មេងជាងវ័យ ខណៈដែលភ្លាមៗនោះ នាងទទួលបានការសរសើររាប់មិនអស់ពីអ្នកលេងអ៊ីនធឺណេត អ្នកខ្លះថែមទាំងបានប្រៀបធៀបតារាស្រីរូបនេះថាមានរស្មីស្រស់ស្អាតដូចផ្កាកុលាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈរូបភាពច្រើនសន្លឹកក្នុងឈុតពណ៌ក្រហម សម្រស់របស់តារាចិនរូបនេះពេញដោយភាពស្រស់ថ្លានិងថាមពល ជាមួយនឹងស្នាមញញឹមជានិច្ចនៅលើបបូរមាត់ មនុស្សជាច្រើនបាននិយាយថា ពួកគេពេញចិត្ត និងស្រលាញ់រូបរាងរបស់ Zhao Lusi យ៉ាងខ្លាំង។ បើប្រៀបធៀបទៅនឹងការបង្ហាញខ្លួនពីមុនរបស់នាងនៅក្នុងព្រឹត្តិការណ៍ Versace ស្ទីល ផ្អែមល្ហែមរបស់តារាស្រីរូបនេះនាបច្ចុប្បន្ន ត្រូវបានអ្នកលេងអ៊ីនធឺណិតចាប់អារម្មណ៍ខ្លាំងជាងហើយសរសើរសឹងតែគ្រប់ៗគ្នា។

បន្ទាប់ពីសម្ដែងក្នុងភាពយន្ត Love Like the Galaxy​ ក្នុងឆ្នាំ ២០២២ Zhao Lusi បានឡើងដល់កំពូលនៃតារាស្រីជំនាន់ទី ៩៥ ជាផ្លូវការ ជាមួយនឹងសមត្ថភាព និងប្រជាប្រិយភាព បើធៀបនឹងតារាស្រីផ្សេងទៀតក្នុងវ័យដូចគ្នា ដូចជា Yu Shuxin ,Landy Li​ និង Wang Churan ជាដើម។

ទោះយ៉ាងណាគ៏ដោយ កន្លងមក Zhao Lusi តែងតែរងការរិះគន់នៅពេលនាងស្លៀកពាក់ស្ទីលបែបនារីដ៏ឆើតឆាយ ប៉ុន្តែនៅពេលដែលនាងប្តូរទៅជាស្ទីលគួរឲ្យស្រលាញ់វិញ ទស្សនិកជនមិនស្ទាក់ស្ទើរក្នុងការសរសើរតារាស្រីរូបនេះសូម្បីតែបន្តិចណាឡើយ៕

អត្ថបទ៖ សាង ស្រីល័ក្ខ

ចុចអាន៖តារា​សម្ដែង​ចិន Liu Yifei ប្រាប់គន្លឹះ​តម​អាហារ​ ស្រក​ទម្ងន់ ៦ គីឡូក្រាម