ជីវិតកម្សាន្ដ

អតីតបេក្ខភាព The Voice Cambodia វ៉ាឌី ភាលី ផ្ទុះរឿងឈឺចាប់ប្តីមានស្រី កក្រើកហ្វេសប៊ុក

បានផុស

២ years មុន

នៅ

ថ្ងៃចន្ទ ១៣ ឧសភា ២០២៤

ដោយ

អ្នកគាំទ្រ និងមហាជនប្រើប្រាស់បណ្ដាញសង្គមហ្វេសប៊ុក មានការភ្ញាក់ផ្អើល ខណៈអតីតបេក្ខភាព The Voice Cambodia វ៉ាឌី ភាលី បង្ហោះរឿងឈឺចាប់ក្រោយប្តីចុះចោល ៦ ខែ ស្រាប់តែមកវិញសុំលែងលះគ្នា និងថែមទាំងមានស្រីនៅលើឡានទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមខ្លឹមសាររបស់ វ៉ាឌី ភាលី បានរៀបរាប់ថា «រឿងដែលកប់ទុកក្នុងចិត្តរយៈពេល ៦ ខែ ជាស្រីប្តីរត់ចោលកូន ២ ដែលការពេញច្បាប់ ប្តីចេញទៅមានស្រីទៅចោលខ្ញុំដោយមិនមានទំនួលខុសត្រូវ ទុកកូន ទុកប្រពន្ធ ចោល លុយធនាគារក៏មិនជួយបង់ លុយកូនរៀនក៏មិនរវល់ សូម្បីតែខលមកសួរសុខទុក្ខម្តងក៏គ្មាន បងទៅបាត់ពីខ្ញុំរយៈពេល ៦ ខែហើយ នៅពេលដែល call មកខ្ញុំ គឺ call ហៅខ្ញុំឲ្យទៅផ្តិតមេដាយលែងលះគ្នាសោះ បងប្រាប់ឲ្យខ្ញុំដោះលែងបងទាំងដែលបងទៅបាត់ចោលខ្ញុំ និងកូន»។

អតីតបេក្ខភាព The Voice Cambodia វ៉ាឌី ភាលី បាននិយាយទៀតថា «មិននឹកស្មានថា ៦ ខែនេះ ខ្ញុំតែងតែមិនមាត់មិនកទោះដឹងរឿងបងនិងស្រីរបស់បងដែលកំពុងសប្បាយមានក្តីសុខជាមួយគ្នាគ្រប់បែបយ៉ាង តែខ្ញុំនៅតែខំប្រឹងរកស៊ីគ្មានពេលសម្រាកដើម្បីយកលុយមកចិញ្ចឹមកូន និងបង់លុយធនាគារដែលបង និងខ្ញុំយករួមគ្នា ដឹងហើយថាខ្ញុំចិញ្ចឹមកូនផង បង់សាលាកូនរៀនផង ខ្ញុំហត់ណាស់ ចង់បញ្ចប់ជីវិតខ្លួនឯងម្តងៗ តែឃើញមុខកូនទាំង ២ គិតបកមកវិញ»។

តារាចម្រៀងរូបនេះ បាននិយាយបន្តថា «ខ្ញុំយំហួសចិត្តប្តីលួចមានស្រី តែប្តីខ្ញុំគេបែរជាថាខ្ញុំពូកែសម្តែង បងប្អូនជួយស្តាប់មើល ទាំងដែលគេដឹកយកស្រីមកដល់មុខផ្ទះខ្ញុំ បងប្អូនជួយស្តាប់ពាក្យគេនិយាយចុះទាំងដែលខ្ញុំការពេញច្បាប់»។

អតីតបេក្ខភាព The Voice Cambodia វ៉ាឌី ភាលី បានបន្ថែមថា «ពពោះកូនឲ្យគេ ២ ទៀត ខ្ញុំឈឺខ្លាំងណាស់ដូចគេយកកាំបិតមកចាក់ទ្រូងខ្ញុំទាំងរស់អ៊ីចឹង Video នេះ តាំងពីខែ ១១ ឆ្នាំ ២០២៣ ពេលគេចេញពីផ្ទះទៅបាត់មួយខែ»៕

អត្ថបទ ៖ ចាន់រ៉ា