ជីវិតកម្សាន្ដ

តារាសម្ដែង លោក លី សុខជន តូចចិត្តដែលសមាគមសិល្បករខ្មែរមើលរំលង

បានផុស

១ year មុន

នៅ

ថ្ងៃអង្គារ ៣ កញ្ញា ២០២៤

ដោយ

តារាសម្តែង លោក លី សុខជន ដែលគេស្គាល់ជាឪពុកបង្កើតរបស់តារាសម្តែង លី ច័ន្ទសីហា បានបង្ហាញអារម្មណ៍តូចចិត្ត ខណៈសមាគមសិល្បករខ្មែរតែងមើលរំលងលោក និងកូនស្រី នៅពេលមានកម្មវិធីជួបជុំធំៗ មួយចំនួន នាពេលកន្លងមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាសម្តែងជើងចាស់ លោក លី សុខជន បានបង្ហោះខ្លឹមសារលើកឡើងថា «ផុសៗ ទៅ ខ្លាចសមាគមសិល្បៈច្រឡំថាខ្ញុំហោះទៅនៅស្រុកគេចោលសិល្បៈ តាមពិតថតឲ្យ លោក កៅ សីហា តែរហូតនឹងតាំងពីបទចម្រៀង MV ជាដើម»។

លោក លី សុខជន បន្តថា «មានតែសមាគមទេដែលមិនចាំ មានកម្មវិធីធំដុំ ខ្ញុំសង្កេតឃើញថា រំលងខ្ញុំ និងកូនស្រីជារឿយៗ ប្រហែលជាគាត់ភ្លេច ឬក៏ច្រឡំថាបានហៅដែរ កម្មវិធីសមាគមសិល្បៈ បើគេមិនហៅ ខ្ញុំ និងកូនស្រី អ្នកណាទៅហ៊ានប្រាប់គេថាហៅខ្ញុំផងខ្ញុំគឺជាអ្នកសិល្បៈដែរ តែទោះជាយ៉ាងណាក៏ដោយ ក៏ទស្សនិកជនបានទទួលស្គាល់ពួកខ្ញុំរួចទៅហើយ (សុំទោស) ឬក៏ច្រឡំថាបាត់មុខហោះទៅស្រុកគេ?»។

លោកបានបន្ថែមថា និយាយឲ្យចំទៅ ក្នុងគ្រួសារមួយកូនតែបួនដប់នាក់នៅយើងច្រឡំ ចុះនេះរាប់ពាន់នាក់ វាតែងតែភាន់អញ្ចឹងហើយ។

បន្ទាប់ពីមានការលើកឡើងរបស់លោក លី សុខជន ខាងលើនេះ គេឃើញមានអ្នកគាំទ្រមួយចំនួនបានបញ្ចេញទស្សនៈវែកញែក និងស្នើដល់សមាគមសិល្បករខ្មែរគួរពិនិត្យផងដែរ ខណៈ លោក សុខជន គឺជាសិល្បករជើងចាស់ផងនោះ៕

អត្ថបទ ៖ ចាន់រ៉ា