សង្សារថ្មីទៀតហើយ? ផ្ទុះការសង្ស័យ ក្រោយប្រទះឃើញ Ryu Jun Yeol អង្គុយតែ២នាក់ តារាស្រីដ៏ល្បីល្បាញរូបនេះ

កាលពីថ្មីៗនេះ មានរូបភាពមួយបានលេចឡើងនៅលើបណ្ដាញសង្គម ដែលបានបង្កឲ្យមានការងើយឆ្ងល់ចំពោះទំនាក់ទំនងរបស់តារាសម្ដែងប្រុស Ryu Jun Yeol និង តារាស្រី ដ៏ល្បីល្បាញ Krystal។ តាមរយៈរូបភាព ធ្វើឲ្យទាក់ទាញចំណាប់អារម្មណ៍មហាជន ត្រូវបានគេចែករំលែកជាង២ម៉ឺននាក់ឯណោះ។

គួររំលឹកឲ្យដឹងដែរថា Ryu Jun Yeol ធ្លាប់បានពាក់ព័ន្ធទៅនឹងរឿងអាស្រូវស្នេហាត្រីកោណ ដែលគេចោទថា ខ្លួនជាមនុស្សប្រុសបោកប្រាស់ សាវ៉ា មិនស្មោះត្រង់ជាមួយនឹងគូស្នេហ៍ ដោយលួចទាក់ទងនឹងតារាសម្ដែងស្រី Han Sohee ប៉ុន្ដែដោយទទួលរងសម្ពាធពីមហាជនមិនពេញចិត្តខ្លាំងពេក ពួកគេក៏បានចែកផ្លូវគ្នាវិញ ថ្មីៗកន្លងទៅនេះ។

ជុំវិញនឹងកេរ្តិ៍ឈ្មោះមិនល្អខ្លួនមិនទាន់ស្ដារបានមកវិញផង ពេលនេះ Ryu Jun Yeol ត្រូវបានមហាជនចោទការសង្ស័យ និង មិនពេញចិត្តជាខ្លាំង ក្រោយឃើញខ្លួន អង្គុយមើលកីឡាករវាយកូនបាល់ នៅសហរដ្ឋអាមេរិក ជាមួយនឹងតារាស្រី Krystal ដែលជាអតីតសមាជិកក្រុម F(X) តែ២នាក់។

ជាមួយគ្នានេះ អ្នកលេងបណ្ដាញសង្គមជាច្រើនបាននិយាយថា ហេតុអ្វីបានជា តារាប្រុសរូបនេះ តែងតែទាក់ទាញបានមនុស្សស្រីដែលស្អាតជាងគេបែបនេះ ខណៈដែល Krystal គឺជាតារាស្រី ដែលមានប្រជាប្រិយភាព ជាពិសេសមានរូបសម្រស់ស្រស់ស្អាត ដែលបុរសគ្រប់រូបប្រាថ្នាចង់បាន។

យ៉ាងណាមិញ នេះគ្រាន់តែជាការសង្ស័យរបស់អ្នកលេងបណ្ដាញអ៉ិនធើណែតប៉ុណ្នោះ ដោយសារតែពួកគេស្អប់តារាប្រុសរូបនេះ មិនចង់ឃើញនៅក្បែរស្និទស្នាលនឹងនារីណាម្នាក់ឡើយ បន្ទាប់មានរឿងអាស្រូវក្បត់ចិត្តអតីតសង្សារខ្លួន ដែលទាក់ទងគ្នាអស់រយៈពេល៦ឆ្នាំ៕

ប្រភព៖ Koreaboo