ជីវិតកម្សាន្ដ
ភាពយន្តខ្មែររឿង Black Light ទទួលបានពានរង្វាន់ធំ «មហោស្រពភាពយន្តខ្លីចតុមុខ» ជំនាន់ទី ១៣
ទីបំផុតភាពយន្តខ្មែររឿង«Black Light» ទទួលបានពានរង្វាន់ធំ«មហោស្រពភាពយន្តខ្លីចតុមុខ» ជំនាន់ទី ១៣ ក្រោយនៅឆ្នាំ ២០២៤ នេះ មហោស្រពភាពយន្តខ្លីចតុមុខ បានរៀបចំកម្មវិធីបិទមហោស្រពរបស់ខ្លួន កាលពីថ្ងៃទី ២៨ ខែតុលា កន្លងទៅនេះ។
កម្មវិធីប្រព្រឹត្តទៅក្រោមអធិបតីភាពរបស់ លោក ហឹម សុទិត្យា រដ្ឋលេខាធិការរបស់ក្រសួងព័ត៌មាន នៅរោងភាពយន្តលេជនអូឡាំព្យា ដោយមានការចូលរួមពីសំណាក់គណៈមេប្រយោគ និងតារាសម្តែងជាច្រើនរូបផងដែរ។
មហោស្រពឆ្នាំនេះ បានធ្វើការប្រគល់នូវរង្វាន់ជាសាច់ប្រាក់ និងលិខិតសរសើរទៅតាមប្រភេទ នៃចំណាត់ថ្នាក់ជាច្រើនរួមមាន ៖ ១.ភាពយន្តខ្លីកម្ពុជាល្អបំផុតបានទៅលើរឿង «Blac k Light» ដឹកនាំរឿងដោយ ឈាន ពិសេន ទទួលបានទឹកប្រាក់ ៤ លានរៀល និងពាន ១។ ២.ភាពយន្តខ្លីកម្ពុជាល្អបំផុតឆ្នើមបន្ទាប់បានទៅលើរឿង«នាគមាស» ដឹកនាំរឿងដោយ ឈិត បូរិន ទទួលបានទឹកប្រាក់ ២ លានរៀល និងពាន ១។ ៣.រង្វាន់ពីទស្សនិកជនដល់ភាពយន្តខ្លីក្នុងស្រុកបានទៅលើរឿង «Black Light» ដឹកនាំរឿងដោយ ឈាន ពិសេន ទទួលបានប័ណ្ណសរសើរ។ ៤.ចំណារលើកទឹកចិត្តពីមេប្រយោគក្នុងស្រុកបានទៅលើរឿង «Help» ដឹកនាំរឿងដោយ ផុន សុផាន់ណារិទ្ធ (ហៅ Tobii) ទទួលបានប័ណ្ណសរសើរ។ ៥.ភាពយន្តខ្លីអន្តរជាតិល្អបំផុតបានទៅលើរឿង «Dreams Like Paper Boats» ដឹកនាំរឿងដោយ Samuel Suffren (ប្រទេស ហៃទី) ទទួលបានទឹកប្រាក់ ១ លានរៀល និងពាន ១។
កម្មវិធីមហោស្រពភាពយន្តខ្លីចតុមុខបានបញ្ចប់ទៅដោយជោគជ័យក្រោមការចូលរួមពីបណ្តាសាធារណជនគ្រប់មជ្ឈដ្ឋានជាមួយនឹងទស្សនីយភាពដ៏អស្ចារ្យ គឺការបញ្ចាំងនូវភាពយន្តខ្លីកម្ពុជា និងអន្តរជាតិជ័យលាភីទៅកាន់ភ្ញៀវកិត្តិយសផងដែរ។
សូមជម្រាបដែរថា «មហោស្រពភាពយន្តខ្លីចតុមុខឆ្នាំនេះ ក៏បានទទួលរឿងពីសមិទ្ធិករនារីមួយចំនួន មិនថាក្នុងស្រុក និងក្រៅស្រុក។ ជាក់ស្ដែងមេប្រយោគរបស់ទាំងខ្មែរទាំងបរទេស ក៏មានសមាសភាពនារីផងដែរ។ អ្វីដែលពិសេស ឆ្នាំនេះមានវីដេអូផលិតដោយ ឬអំពីកុមារ ភ្ជាប់ជាមួយការជជែកបែបអប់រំ និងកម្សាន្ត និងថ្នាក់ចែករំលែកស្តីពី«ការផ្សព្វផ្សាយខ្លឹមសារបែបពាណិជ្ជកម្ម» ដើម្បីផ្សារភ្ជាប់សមិទ្ធិករភាពយន្តខ្លីជាមួយការរកចំណូលពីក្រុមហ៊ុនផ្សេងៗ» នេះបើតាមការលើកឡើងរបស់លោក ស៊ុំ ស៊ីថែន ប្រធានមហោស្រព និងជាស្ថាបនិករបស់ក្រុមភាពយន្តឈូករ័ត្ន។
លោក ហ៊ឹម សុទិត្យា រដ្ឋលេខាធិការក្រសួងព័ត៌មាន បានឲ្យដឹងថា ស្នាដៃទាំងនោះមានទាំងមកពីខេត្តប៉ែកឦសាន និងរាជធានីភ្នំពេញ ដែលត្រូវបានផលិតបន្ទាប់ពីទទួលបានការបណ្ដុះបណ្ដាលរបស់មជ្ឈមណ្ឌលបុប្ផាណា និងដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ជាដើម។ ដូច្នេះលោកមានមោទនភាពបំផុតដែលមហោស្រពនេះបន្តបេសកកម្មរបស់ខ្លួនក្នុងការផ្តល់ចំណេះដឹង និងព័ត៌មានដល់មហាជ ន យើងក៏ដូចជាបណ្តុះបណ្តាលយុវសមិទ្ធិករជំនាន់ក្រោយៗទៀតតាមរយៈភាពយន្តឯកសារខ្លី ត្រូវនឹងគោលការណ៍របស់ក្រសួងផងដែរ៕
អត្ថបទ ៖ ចាន់រ៉ា
-
ព័ត៌មានអន្ដរជាតិ៧ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៤ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៦ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៣ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៦ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ១ សប្តាហ៍ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៥ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៥ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS