អ្នកនាង ខាត់ សុឃីម សោកស្តាយចំពោះមរណភាពតារាចម្រៀងប្រុសម្នាក់ គាំងបេះដូងស្លាប់ទាំងវ័យក្មេង

តារាចម្រៀងពហុជំនាញអ្នកនាង ខាត់ សុឃីម បានសម្តែងក្តីតក់ស្លុតជាខ្លាំងបន្ទាប់ពីទទួលដំណឹងនៃការទទួលមរណភាពរបស់តារាចម្រៀងភាសាចិនលោក ឡេង គីមសាន្ត ហៅ លីចិន ដោយសារជំងឺគាំងបេះដូង។

តាមការញ្ជាក់ពីអ្នកនាង ខាត់ សុឃីម បានឲ្យដឹងថា តារាចម្រៀងប្រុសខាងលើបានទទួលមរណភាពនៅព្រឹកថ្ងៃទី០៨ ខែធ្នូឆ្នាំ២០២៤ នេះក្រោយក្រុមគ្រួសារបានបញ្ជូនទៅសង្គ្រោះនៅមន្ទីពេទ្យឯកជនមួយកន្លែង។ អ្នកនាង ខាត់ សុឃីម បានរៀបរាប់ថា “នៅស្រស់ៗតែម្តង​ លី​ ចិន អេីយ(RIP) ដំណឹងគួរឱ្យសោកសៅ​ និងតក់ស្លុតបំផុត។

អ្នកនាង ខាត់ សុឃីម និយាយទៀតថា គាត់បានទទួលមរណភាពកាលពីព្រឹកមិញវេលាម៉ោង៨ នៅមន្ទីពេទ្យសច្ចៈផ្លូវ 37 ខណ្ឌមានជ័យ ថ្ងៃទី០៨ខែធ្នូ​ ឆ្នាំ២០២៤ ដំណឹងជាក់លាក់ពីមូលហេតុគាត់ស្លាប់មិនទាន់ដឹងនៅឡើយ។ នាងបន្តថាក្នុងនាមខ្ញុំស្គាល់គាត់ និងធ្វើការជាមួយគ្នាយូរឆ្នាំសូមចូលរួមសោកស្តាយ និងរំលែកទុក្ខដល់ក្រុមគ្រួសារសព​និងសូមជូនដំណេីរគាត់ទៅនៅឋានបរមសុខផងចុះ។

តារាស្រីអ្នកនាង ខាត់ សុឃីម បន្ថែមទៀតថាបច្ចុប្បន្នសពលោក ឡេង គីមសាន្ត ហៅ លីចិនត្រូវបានបញ្ជូនចេញពីមន្ទីរពេទ្យទៅធ្វេីបុណ្យតាមប្រពៃណីនៅវត្តចាក់អង្រែក្រោម។ ដោយឡែកបើតាមបញ្ជាក់ពីក្រុមគ្រួសារតារាប្រុសរូបនេះស្លាប់ដោយសារជំងឺគាំងបេះដូង។ តាមរយ:ដំណឹងនេះបានធ្វើឲ្យអ្នកសិល្ប:មួ យចំនួនបង្ហាញការសោកស្តាយនិងចូលរួមរំលែកទុក្ខដ៏ក្រៀមក្រំនេះជាមួយក្រុមគ្រួសារសពផងដែរ៕ អត្ថបទ៖ ចាន់រ៉ា