ជីវិតកម្សាន្ដ

ទស្សនិកជនហាក់ភ្ញាក់ផ្អើល ពេល Miley បង្ហាញមុខមាត់ថ្មី ក្នុងកម្មវិធី Oscar ខុសពីរាល់ដង

បានផុស

៤ ខែ មុន

នៅ

ថ្ងៃអង្គារ ៤ មីនា ២០២៥

ដោយ

តារាចម្រៀងស្រី Miley Cyrus បានបង្ហាញនូវមុខមាត់ថ្មីលើកម្រាលព្រំក្រហម Oscars ឆ្នាំ២០២៥ ដូចរាល់ឆ្នាំ។ ប៉ុន្តែឆ្នាំនេះ តារាស្រីបែរជាធ្វើឲ្យទស្សនិកជនដែលមានវត្តមាននៅក្នុងកម្មវិធី ហាក់មានការភ្ញាក់ផ្អើលជាខ្លាំង នោះគឺបានធ្វើការផ្លាស់ប្តូរយ៉ាងក្លៀវក្លា ចំពោះម៉ូដសក់និងចិញ្ចើមរបស់នាង។

តារាចម្រៀងវ័យ ៣២ ឆ្នាំរូបនេះ បានដើរលើកម្រាលព្រំក្រហមក្នុងកម្មវិធី Oscars កាលពីថ្ងៃអាទិត្យក្នុងឈុតពណ៌ខ្មៅភ្លឺរលោងដោយ Alexander McQueen។ នាងបានផ្គូផ្គងរ៉ូបដែលមានសំពត់ខ្លី និងខ្សែកពាក់ស្រោមដៃចរពណ៌ខ្មៅ និងក្រវិលពេជ្រប្រាក់លម្អខ្លួន។ នាងក៏បានបង្ហាញខ្លួនជាលើកដំបូងនូវចិញ្ចើមដែលមានពណ៌សបែកមាស ដោយបំពេញបន្ថែមសក់ពណ៌ត្នោត ជាមួយនឹងការបន្លិចពណ៌ទង់ដែង ដែលត្រូវបានរៀបចំជារលកទន់ៗ និងផ្នែកចំហៀងជ្រៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណា ព្រឹត្តិការណ៍ទាំងនេះគឺជាកន្លែងសាកល្បង ដើម្បីបង្ហាញខ្លួនឯងខុសពីអ្វីដែលគេធ្លាប់ប្រើ ហើយ Cyrus ចង់បង្កើតថ្មីក្នុងរឿងនេះ។ ដូច្នេះហើយ ទើបធ្វើឲ្យនាងភ្ញាក់ផ្អើលជាមួយនឹងការផាត់រោមចិញ្ចើម ដែលជានិន្នាការម៉ូដទាន់សម័យបំផុតក្នុងចំណោមតារាល្បីៗ ដូចករណីរបស់ Katy Perry, Kristen Stewart, Madonna ឬ Kim Kardashian ជាដើម។ អ្វីដែលបានកើតឡើងជាមួយ Miley គឺថាជាមួយនឹងបច្ចេកទេសនេះ ព្រមទាំងការតុបតែងខ្លួនដែលនាងស្លៀកនោះ មុខរបស់នាងមើលទៅប្រែប្រួលគួរឲ្យកត់សម្គាល់។

បន្ទាប់ពីបានចូលរួមកម្មវិធី Oscars ដែលជាកន្លែងដែលនាង និង Miles Teller បានបង្ហាញពានរង្វាន់សម្រាប់សំឡេងល្អបំផុត ម្ចាស់បទ «Flowers» បានធ្វើដំណើរទៅកាន់កម្មវិធីជប់លៀងប្រចាំឆ្នាំ។ យ៉ាងណាមិញ អ្នកគាំទ្រមានការភ្ញាក់ផ្អើលជាខ្លាំង ពេលឃើញម៉ូដសក់របស់នាងហាក់មានការផ្លាស់ប្តូរយ៉ាងខ្លាំង ខណៈនាងបង្ហាញម៉ូដសក់ខ្លីសក់សេះពីមុខ។

មិនបានប៉ុន្មានផង រូបភាពនៃស្ទីលប្លែករបស់តារាចម្រៀងស្រីធ្វើឲ្យអ្នកលេងអ៉ិនធើណេតជាច្រើនភ្ញាក់ផ្អើលនឹងស្ទីលកាយវិការមួយនេះ។ ពួកគេឃើញនាងផ្លាស់ប្តូរ ហើយមិនជឿថាការផ្លាស់ប្តូរនេះអាចកើតឡើងទេ។ អ្នកខ្លះគិតថានាងធ្វើឲ្យខូចចិញ្ចើមឬចង់កាច់ស្ទាយឲ្យមើលទៅខុសពីឆ្នាំមុន។ ចំណែកអ្នកផ្សេងទៀតបែរជាបញ្ចេញមតិលេងសើចខ្លាចមុខមាត់នាងទៅវិញ៕