ព័ត៌មានអន្ដរជាតិ

ជប៉ុនអនុម័តខ្ទង់ចំណាយខ្ពស់មិនធ្លាប់មានសម្រាប់វិស័យការពារជាតិឆ្នាំ២០២៦

បានផុស

៥ ខែ មុន

នៅ

ថ្ងៃសុក្រ ២៦ ធ្នូ ២០២៥

ដោយ

ជប៉ុនបានចេញសេចក្តីព្រាងថវិកាសម្រាប់វិស័យការពារជាតិរបស់ខ្លួនចំនួន ៩.០៥ទ្រីលានយ៉េន (៥៨ប៊ីលានដុល្លារ) សម្រាប់ឆ្នាំ២០២៦ ដែលតួលេខនេះលើសពីថវិកាដែលបានកត់ត្រាដំបូង ចំនួន ៨.៧ទ្រីលានយ៉េនក្នុងឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់សារពើពន្ធចាប់ផ្តើមប្រមូលនៅក្នុងខែមេសា វាស្របតាមផែនការកសាងវិស័យការពារជាតិរបស់ខ្លួនដើម្បីបែងចែកចំនួន ៤៣ទ្រីលានយ៉េនដល់ការចំណាយលើវិស័យការពារជាតិចាប់ពីឆ្នាំ២០២៣ ដល់ឆ្នាំ២០២៧ ។

ថវិកាក្រោមវិស័យការពារជាតិ ចំនួន ១០០.១ ប៊ីលានយ៉េនត្រូវបានផ្តល់ជូនសម្រាប់ការសាងសង់ប្រព័ន្ធការពារស្រទាប់ឆ្នេរសមុទ្រ «Shield» ដែលតម្រូវឱ្យមានយានជំនិះលើអាកាស លើផ្ទៃទឹក និងក្រោមទឹកជាច្រើន ខណៈទឹកប្រាក់ ១.១ប៊ីលានយ៉េន ត្រូវបានគេបែងចែកក្នុងការវាយតម្លៃនៃការប្រើប្រាស់យន្តហោះគ្មានមនុស្សបើក (ដ្រូន) ដែលធានាថាវាជាវិធានការប្រឆាំងនឹងការបំពាននានាតាមដែនអាកាស។ នេះបើតាមសារព័ត៌មាន Kyodo News។

ទន្ទឹមនឹងនេះថវិកាបន្ថែមចំនួន ១៨.៣ ទ្រីលានយ៉េនដែលបានអនុម័តកាលពីថ្ងៃទី១៦ខែធ្នូ សម្រាប់ឆ្នាំសារពើពន្ធបច្ចុប្បន្នរួមមាន ១.៧ទ្រីលានយ៉េនសម្រាប់សន្តិសុខជាតិ និងការទូត ដែលអនុញ្ញាតឱ្យប្រទេសជប៉ុនយកការចំណាយទាក់ទងនឹងវិស័យការពារជាតិជាគោលដៅរបស់ខ្លួន ចំណែក២ភាគរយនៃផលិតផលក្នុងស្រុកសរុបកស្តីពីសារពើពន្ធឆ្នាំ២០២៥ លើសពីរឆ្នាំ មុនពេលកំណត់។

គួរឱ្យដឹងផងដែរថា អស់ច្រើនទសវត្សរ៍មកហើយ ប្រទេសជប៉ុនបានកំណត់យកថវិកាការពារជាតិប្រចាំឆ្នាំរបស់ខ្លួនប្រហែល១ភាគរយនៃផលិតផលក្នុងស្រុកសរុប (GDP) ដែលមានចំនួន៥ទ្រីលានយ៉េនប៉ុណ្ណោះ ដែលឆ្លុះបញ្ចាំងពីជំហរសន្តិភាពជាតិក្រោយសង្គ្រាមលោកលើកទី២ ក្រោមដំបូលរដ្ឋធម្មនុញ្ញដែលបោះបង់ចោលសង្រ្គាម។

ទោះបីជាមានការប្រឆាំងយ៉ាងខ្លាំងក៏ដោយ រដ្ឋាភិបាលជប៉ុនបានដាក់គោលដៅកាលឆ្នាំ២០២២ នៃការបង្កើនការចំណាយទាក់ទងនឹងវិស័យការពារជាតិជាបណ្តើរៗដល់ទៅ២ភាគរយនៃផលិតផលក្នុងស្រុកសរុបនៅឆ្នាំ២០២៧៕

ប្រែសម្រួល៖ ណឺ មិនា