ព័ត៌មានអន្ដរជាតិ

បុរសម្នាក់បាញ់សារធាតុគីមីក្នុងផ្សារទំនើបកណ្តាលក្រុងតូក្យូ បណ្តាលឱ្យមនុស្ស ២០នាក់ធ្លាក់ខ្លួនឈឺ

បានផុស

២ ខែ មុន

នៅ

ថ្ងៃចន្ទ ២៥ ឧសភា ២០២៦

ដោយ

មនុស្សប្រហែល ២០នាក់រងរបួស នៅផ្សារទំនើបប្រណីតមួយកន្លែងនៅកណ្តាលទីក្រុងតូក្យូ ប្រទេសជប៉ុន នៅថ្ងៃចន្ទ បន្ទាប់ពីបុរសម្នាក់បានបាញ់ថ្នាំ ដែលមានសារធាតុគីមីក្នុងផ្សារទំនើប។ នេះបើយោងតាមមន្ត្រីប៉ូលិសនិងនាយកដ្ឋានពន្លត់អគ្គិភ័យ។

អ្នកនាំពាក្យប៉ូលិសទីក្រុងតូក្យូ លោក Yusuke Koide ប្រាប់ភ្នាក់ងារសារព័ត៌មាន AFP នៅថ្ងៃទី២៥ ខែឧសភា ថា៖ « បុរសម្នាក់បានបាញ់ថ្នាំដែលមានសារធាតុគីមី នៅម៉ាស៊ីន ATM ជាន់ផ្ទាល់ដីនៃអគារ ខណៈមន្ត្រីនាយកដ្ឋានពន្លត់អគ្គិភ័យក្នុងតំបន់ថា មនុស្សប្រហែល ២០នាក់បានរងរបួស បន្ទាប់ពីរាយការណ៍ថាមាន «ក្លិន» ។

ប៉ូលិសកំពុងជម្លៀសពលរដ្ឋចេញពីផ្សារទំនើបក្នុងទីក្រុងតូក្យូ។ រូបភាព៖ NHK

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្លូវនៅពីមុខផ្សារទំនើប ស្ថិតក្នុងសង្កាត់ Ginza មានភ្ញៀវទេសចរយ៉ាងច្រើន ហើយផ្សារទំនើបត្រូវបានបិទទ្វារ បន្ទាប់ពីហេតុការណ៍នេះកើតឡើង។

អ្នកយកព័ត៌មាន AFP ម្នាក់ នៅកន្លែងកើតហេតុបានឃើញមនុស្សពីរនាក់កំពុងដឹកក្នុងរថយន្តសង្គ្រោះបន្ទាន់ ខណៈក្រុមអ្នកពន្លត់អគ្គិភ័យ និងមន្ត្រីស្លៀកពាក់ឈុតការពារសុវត្ថិភាពបាននាំមនុស្សពីផ្សារទំនើបចូលទៅក្នុងឡានដឹកទំនិញឯកទេស ដើម្បីពិនិត្យពួកគេ។

អ្នកកាសែតរបស់ទូរទស្សន៍ NHK និយាយថា របួសពួកគេហាក់ស្រាល។ ស្ត្រីអាយុ ៧០ឆ្នាំម្នាក់ នៅផ្សារទំនើបបានប្រាប់អ្នកសារព័ត៌មានថា បំពង់ករបស់គាត់ចាប់ផ្តើមរមាស់ និងឈឺចាប់ ពេលខ្លួនដើរទៅជិតម៉ាស៊ីន ATM ។

អ្នកស្រីលើកឡើងថា៖ « ពេលខ្ញុំមកដល់ ភាពចលាចលបានចាប់ផ្តើមរួចហើយ! ខ្ញុំគិតថាប្រហែលជាមានភ្លើងឆេះតូចមួយ ឬអ្វីមួយ។ ពេលខ្ញុំចូលទៅក្នុងជ្រុងម៉ាស៊ីន ATM បំពង់ករបស់ខ្ញុំរមាស់ ស្ទើរតែស្ពឹក»។

មន្ត្រីពន្លត់អគ្គិភ័យនៅកន្លែងកើតហេតុថា ប៉ូលិសកំពុងស៊ើបអង្កេតមូលហេតុ។

គួរបញ្ជាក់ថា ឧក្រិដ្ឋកម្មហិង្សាគឺកម្រមានណាស់នៅក្នុងប្រទេសជប៉ុន មានអត្រាឃាតកម្មទាប និងច្បាប់ប្រើប្រាស់អាវុធដ៏តឹងរ៉ឹងបំផុតរបស់ពិភពលោក៕

សម្រួល៖ ណឺ មិនា

Related Topics:ជប៉ុន