ព័ត៌មានអន្ដរជាតិ
មន្ត្រីជាន់ខ្ពស់រុស្ស៊ី ថា រុស្ស៊ីមិនក្បត់គុយបាទេ ទោះបីអាមេរិកនិយាយអ្វីក៏ដោយ
រុស្ស៊ីនឹងមិនបោះបង់ចោល ឬក្បត់ប្រទេសគុយបាឡើយ ហើយមានគម្រោងជួយកោះកុម្មុយនិស្តមួយនេះ ដោះស្រាយបញ្ហាវិបត្តិថាមពលដែលទាក់ទងនឹងការហាមឃាត់របស់សហរដ្ឋអាមេរិក។ នេះបើយោងតាមការលើកឡើងរបស់អនុរដ្ឋមន្ត្រីការបរទេសរុស្ស៊ី លោក Sergei Ryabkov នៅថ្ងៃទី១០ ខែមេសា បន្ទាប់ពីកិច្ចពិភាក្សានៅទីក្រុងហាវ៉ាណា។
លោក Sergei Ryabkov ដែលត្រូវបានដកស្រង់សម្តីដោយទីភ្នាក់ងារសារព័ត៌មានរ៉យទ័រ នៅក្នុងសន្និសីទសារព័ត៌មានមួយនៅរដ្ឋធានីគុយបា ក៏បាននិយាយថា ទីក្រុងមូស្គូមិនមានបំណងដើរចេញពីផលប្រយោជន៍របស់ខ្លួននៅអឌ្ឍគោលខាងលិចនោះទេ មិនថាអាមេរិកអាចនិយាយអ្វីក៏ដោយ។
អនុរដ្ឋមន្ត្រីការបរទេសរុស្ស៊ី និយាយថា «ខ្ញុំប្រាកដថា ព្រឹត្តិការណ៍ថ្មីៗនេះនៅក្នុងទំនាក់ទំនងរបស់យើង នឹងធ្វើឲ្យយើងឈានទៅមុខដើម្បីស្វែងរកដំណោះស្រាយចំពោះបញ្ហាដ៏លំបាកបំផុត ដែលកើតចេញពីការបិទផ្លូវខុសច្បាប់ និងមិនអាចទទួលយកបានទាំងស្រុងលើកោះនេះដោយអាមេរិក។ ហេតុដូច្នេះ យើងមិនអាចក្បត់គុយបាបានទេ នោះជារឿងមិនអាចទៅរួចឡើយ យើងមិនអាចទុកពួកគេចោលទេ។ តម្រូវការថាមពលរបស់ប្រទេសគុយបា គឺជាអាទិភាពមួយ មិនអាចខ្វះបាន»។
ទីភ្នាក់ងារសារព័ត៌មានដដែលបានដកស្រង់សម្តីរបស់លោកទៀតថា រុស្ស៊ីមិនមានគម្រោងដើរចេញពីអឌ្ឍគោលខាងលិចទេ មិនថាទីក្រុងវ៉ាស៊ីនតោនអាចនិយាយអ្វីក៏ដោយ។ ពួកគេកំពុងតែគិតចង់រុញរុស្ស៊ី និងចិនចេញពីតំបន់នេះ។ ការវាយប្រហាររបស់អាមេរិក និងអ៊ីស្រាអែលលើអ៊ីរ៉ង់ បញ្ជាក់យ៉ាងច្បាស់ថា ការប្រើប្រាស់កម្លាំង ទណ្ឌកម្ម និងបទបញ្ជានយោបាយមិនបង្កើតលទ្ធផលដែលចង់បានទេ៕
អត្ថបទ៖ សាង ស្រីល័ក្ខ
-
ព័ត៌មានជាតិ២ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ចរាចរណ៍១ សប្តាហ៍ agoករណីគ្រោះថ្នាក់រថយន្ដដឹកកម្មកររោងចក្រនៅកំពង់ឆ្នាំង និងស្វាយរៀង មានជនរងគ្រោះស្លាប់សរុប ១៣នាក់ និងរបួសធ្ងន់ស្រាលជាង៣០នាក់
-
ព័ត៌មានជាតិ១ សប្តាហ៍ agoអភិបាលខេត្ត និងតំណាងរាស្ត្រ ចុះពិនិត្យដល់ទីតាំងភ្លាមៗក្រោយមានគ្រោះថ្នាក់ចរាចរណ៍នៅស្រុកកំពង់ត្រឡាច
-
ព័ត៌មានជាតិ២ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
សេដ្ឋកិច្ច៥ ថ្ងៃ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម១ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានអន្ដរជាតិ៤ ថ្ងៃ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស
-
សេដ្ឋកិច្ច៣ ថ្ងៃ agoកម្ពុជារកចំណូលបាន ១៥៤ លានដុល្លារ ពីការនាំចេញជ័រកៅស៊ូនៅរយៈពេល ៤ ខែ