ព័ត៌មានអន្ដរជាតិ

ខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា

បានផុស

២ ខែ មុន

នៅ

ថ្ងៃព្រហស្បតិ៍ ២៣ មេសា ២០២៦

ដោយ

ខេត្ត Kochi របស់ប្រទេសជប៉ុនកំពុងផ្តល់ប្រាក់លើកទឹកចិត្ត ដើម្បីឱ្យយុវជននៅលីវ (Single) ប្រើប្រាស់កម្មវិធីណាត់ជួប (Dating app) ស្វែងរកដៃគូលើបណ្តាញសង្គម។ វាជាគំនិតផ្តួចផ្តើមមួយក្នុងចំណោមគំនិតផ្តួចផ្តើមជាច្រើនផ្សេងទៀត ដើម្បីប្រយុទ្ធប្រឆាំងនឹងការធ្លាក់ចុះនៃអត្រាកំណើតរបស់ប្រទេសនេះ។

យោងតាមសារព័ត៌មានអង់គ្លេស The Independent ផ្សាយថ្ងៃទី២២ ខែមេសា ឆ្នាំ២០២៦ មនុស្សអាយុចាប់ពី២០ ទៅ ៣៩ឆ្នាំ នៅក្នុងតំបន់ភាគនិរតីនៃប្រទេសជប៉ុន អាចទទួលទឹកប្រាក់ ១២៥ដុល្លារ គ្របដណ្តប់លើការចំណាយនៃកម្មវិធីណាត់ចួប រួមទាំងកម្មវិធីពេញនិយមដូចជា Tapple ។

កម្មវិធីណាត់ចួបតាមអ៊ីនធឺណិត។ រូបភាព៖ NDTV

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីម្នាក់លើកឡើងថា៖ «ប្រាក់ឧបត្ថម្ភនេះប្រហាក់ប្រហែលនឹងថ្លៃសេវាប្រចាំឆ្នាំសម្រាប់ការប្រើប្រាស់គេហទំព័រណាត់ជួប ហើយអ្នកប្រើប្រាស់នឹងត្រូវស្ទង់មតិពេលក្រោយ ដើម្បីមើលថា គម្រោងនេះដំណើរការជោគជ័យឬអត់»។

យ៉ាងណា ខេត្ត Kochi បានសហការជាមួយម្ចាស់កម្មវិធី Tapple ក្នុងខែធ្នូ ដើម្បីលើកទឹកចិត្តដល់ការណាត់ជួបតាមអ៊ីនធឺណិតដែលមានសុវត្ថិភាព និងអាចទុកចិត្តបានជាងមុន។

មន្ត្រីខេត្តម្នាក់ប្រាប់សារព័ត៌មាន Sankei Shimbun ថា៖ « អត្រាថ្លៃជាសមាជិកប្រចាំឆ្នាំគឺលើសពី ១២៥ដុល្លាបន្តិច! ដូច្នេះយើងកំណត់ចំនួនទឹកប្រាក់នេះ ដើម្បីគ្របដណ្តប់លើការចំណាយទាំងអស់នៃកម្មវិធីណាត់ចួប»។

មិនតែប៉ុណ្ណោះមានខេត្តមួយចំនួនក្នុងប្រទេសជប៉ុនចង់ធ្វើតាមគំរូរបស់ខេត្ត Kochi ដែរ ប៉ុន្តែផ្តល់ទឹកប្រាក់តិចជាងនេះ។

យ៉ាងណា ប្រតិកម្មតាមអ៊ីនធឺណិតមានភាពចម្រុះ។ ខណៈមនុស្សមួយចំនួនបានស្វាគមន៍គំនិតនេះ អ្នកផ្សេងទៀតអះអាងថា បញ្ហាធំៗ ដូចជាភាពតានតឹងផ្នែកហិរញ្ញវត្ថុ ម៉ោងធ្វើការយូរ ការចំណាយលើការចិញ្ចឹមកូនកំពុងធ្វើឱ្យទំនាក់ទំនងនិងអាពាហ៍ពិពាហ៍មានភាពលំបាក។

គួរបញ្ជាក់ថា កម្មវិធីណាត់ជួបគឺជាមធ្យោបាយទូទៅសម្រាប់យុវជននៅក្នុងប្រទេសជប៉ុន ដើម្បីស្វែងរកដៃគូស្នេហា។

ការស្ទង់មតិរបស់រដ្ឋាភិបាលឆ្នាំ២០២៤ រកឃើញថា ប្រហែលមួយក្នុងចំណោមបួននាក់ដែលរៀបការហើយ អាយុក្រោម ៣៩ឆ្នាំ បានជួបប្តីឬប្រពន្ធរបស់ពួកគេតាមអ៊ីនធឺណិត ច្រើនជាងតាមការងារ ឬសាលារៀន។

រីឯចំនួនប្រជាជនប្រទេសជប៉ុនកាន់តែតិចទៅៗ ក្នុងរយៈពេលប៉ុន្មានឆ្នាំចុងក្រោយ ជាពិសេសនៅតំបន់ជនបទដូចជាទីក្រុង Kochi ជាកន្លែងដែលយុវជនជាច្រើនបានផ្លាស់ទីលំនៅ៕

ប្រែសម្រួល៖ ណឺ មិនា

Related Topics:អត្រាកំណើត ជប៉ុន

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា