ខ្មាន់កាំភ្លើងមិនស្គាល់មុខបាញ់សម្លាប់សមាជិកក្រុម តាលីបង់ នៅ អាហ្វហ្គានីស្ថាន

ប្រព័ន្ធផ្សព្វផ្សាយក្នុងស្រុកបានរាយការណ៍នៅថ្ងៃពុធនេះថា មនុស្ស ៣ នាក់ត្រូវបានខ្មាន់កាំភ្លើងមិនស្គាល់មុខបាញ់សម្លាប់នៅទីក្រុង Jalalabad រដ្ឋធានីនៃខេត្ត Nangarhar របស់ប្រទេសអាហ្វហ្គានីស្ថាន ។

សារព័ត៌មាន Tolo News បានរាយការណ៍ដោយដកស្រង់សម្តីអ្នកស្រុកថា “ការបាញ់ប្រហារនេះបានកើតឡើងនៅតំបន់មួយក្បែរជំរុំយោធា ។

សារព័ត៌មាន Tolo News បានរាយការណ៍ទៀតថា ឧបទ្ទវហេតុនេះបណ្តាលឲ្យស្លាប់សមាជិកតាលីបង់ ២ នាក់ និងជនស៊ីវិលម្នាក់ដែលដើរកាត់ទីនោះ” ។

រហូតមកដល់ពេលនេះ មិនទាន់មានក្រុមណាមួយអះអាងទទួលខុសត្រូវចំពោះហេតុការណ៍នេះនៅឡើយទេ ។

ក្នុងរយៈពេល ៣ ថ្ងៃចុងក្រោយនេះ មនុស្សយ៉ាងតិច ៨ នាក់បានស្លាប់ និងជាច្រើននាក់ទៀតបានរងរបួស ដោយសារទីក្រុងនេះត្រូវបានវាយប្រហារដោយការបំផ្ទុះគ្រាប់បែកជាបន្តបន្ទាប់ ហើយត្រូវបានរាយការណ៍ថា អះអាងទទួលខុសត្រូវដោយក្រុមសកម្មប្រយុទ្ធដែលមានទំនាក់ទំនងជាមួយក្រុមរដ្ឋឥស្លាម (IS) ប្រឆាំងនឹងរដ្ឋាភិបាលតាលីបង់ ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA

ចុចអាន ៖ រដ្ឋឥស្លាម បំផ្ទុះគ្រាប់បែកនៅ អាហ្វហ្គានីស្ថាន សម្លាប់ និងរបួស ក្រុមតាលីបង់ ច្រើននាក់