ព័ត៌មានអន្ដរជាតិ
ថ្ងៃចុងក្រោយ OPEC ជំទាស់នឹងកិច្ចប្រជុំអាកាសធាតុកំពូលជុំវិញឥន្ធនៈហ្វូស៊ីល
ក្រុមប្រទេសផលិតប្រេងកំពូល OPEC បានការពារអនាគតតួនាទីសម្រាប់ឥន្ធនៈហ្វូស៊ីលនៅកិច្ចប្រជុំកំពូលស្តីពីអាកាសធាតុរបស់អង្គការសហប្រជាជាតិកាលពីថ្ងៃពុធដោយបានជំរុញឲ្យពិភពលោកអាចកាត់បន្ថយឧស្ម័នផ្ទះកញ្ចក់បាន ប៉ុន្តែមិនចាំបាច់ឲ្យសន្យាលះបង់ប្រេង និងឧស្ម័នឡើយ។
ទឡ្ហីករណ៍នេះបានប៉ះទង្គិចគ្នាជាមួយនឹងកិច្ចខិតខំប្រឹងប្រែងរបស់ចក្រភពអង់គ្លេសដែលជាម្ចាស់ផ្ទះរៀបចំកិច្ចប្រជុំកំពូលស្តីពីអាកាសធាតុដើម្បីធានាបាននូវការសន្យាប្រកបដោយមហិច្ឆតាពីបណ្តាមេដឹកនាំរដ្ឋាភិបាលទូទាំងពិភពលោកដើម្បីទប់ស្កាត់ការប្រែប្រួលអាកាសធាតុដែលត្រូវកាត់បន្ថយការប្រើប្រាស់ឥន្ធនៈហ្វូស៊ីល ខណៈកិច្ចប្រជុំឈានដល់ថ្ងៃចុងក្រោយទៅហើយ។
ព្រះអង្គម្ចាស់ Abdulaziz bin Salman Al-Saud រដ្ឋមន្ត្រីថាមពលអារ៉ាប៊ីសាអូឌីត មានបន្ទូលក្នុងសុន្ទរកថាទៅកាន់អង្គសន្និសីទថា ៖«វាចាំបាច់ដែលយើងទទួលស្គាល់ពីភាពចម្រុះនៃដំណោះស្រាយអាកាសធាតុ និងសារៈសំខាន់នៃការសាយភាយឧស្ម័ន ដោយមិនលំអៀង ឬប្រឆាំងនឹងប្រភពថាមពលជាក់លាក់ណាមួយឡើយ»។
ចំណែក លោក Mohammed Barkindo អគ្គលេខាធិការ OPEC មកពីប្រទេសនីហ្សេរីយ៉ា បាននិយាយថា ៖«ការរៀបរាប់ដែលថា ការផ្លាស់ប្តូរថាមពលគឺមកពីប្រេង និងឥន្ធនៈហ្វូស៊ីលផ្សេងៗទៅជាថាមពលកកើតឡើងវិញគឺជាការយល់ច្រឡំ»។
អ្នកស៊ូមតិនៃប្រេង ឧស្ម័ន និងធ្យូងបានជំទាស់ជាយូរមកហើយថា បច្ចេកវិទ្យាដូចជា ការចាប់យកកាបូន និងការប្រមូលផ្តុំ ដែលការបំភាយឧស្ម័នត្រូវបានចាប់យក និងស្តុកទុកនៅក្រោមដីអាចបណ្តាលឲ្យសេដ្ឋកិច្ចនៅតែបន្តដុតហ្វូស៊ីល។
សកម្មជនអាកាសធាតុបានជំទាស់ ដោយបានលើកឡើងថា បច្ចេកវិទ្យាបែបនេះថ្លៃ មិនអាចបញ្ជាក់តាមមាត្រដ្ឋានបាន និងផ្តល់គំរបដល់ឧស្សាហកម្មបំពុលនៅតែបន្តដំណើរការ។
មន្ត្រីជាច្រើនពាក់ព័ន្ធនឹងកិច្ចប្រជុំនៅទីក្រុង Glasgow បានប្រាប់ Reuters ថា អារ៉ាប៊ីសាអូឌីតបាននិងកំពុងរារាំងវឌ្ឍនភាពនៃការចរចាឆ្ពោះទៅរកកិច្ចព្រមព្រៀងដ៏រឹងមាំមួយនៅឯសន្និសីទ រួមទាំងការប្រើវិធីសាស្ត្រពន្យាពេលនីតិវិធីដែលព្រះអង្គម្ចាស់ Abdulaziz បានបដិសេធ៕
ប្រែសម្រួល៖ វីរបុត្រ
ប្រភព៖ reuters
-
ព័ត៌មានអន្ដរជាតិ១ សប្តាហ៍ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៥ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៧ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៣ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៧ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ៦ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៦ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS
-
សន្តិសុខសង្គម៣ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន