ព័ត៌មានអន្ដរជាតិ
ថៃ បន្ថយថ្លៃសេវាតេស្តរកកូវីដសម្រាប់ម៉ាស៊ីន PCR ដើម្បីកំណត់វីរុស Omicron
នាយកដ្ឋានវិទ្យាសាស្ត្រវេជ្ជសាស្ត្រថៃ (DMS) កំពុងកាត់បន្ថយថ្លៃធ្វើតេស្តរកកូវីដសម្រាប់ឧបករណ៍ Polymerase Chain Reaction (PCR) ចំនួន ២០០ បាត (ជិត ៦ ដុល្លារ) ។ ទោះជាយ៉ាងណាក៏ដោយ ការកាត់បន្ថយនេះអនុវត្តចំពោះតែមន្ទីរពិសោធន៍ក្រោម DMS ប៉ុណ្ណោះ ។
យោងតាមរបាយការណ៍របស់កាសែត The Nation Thailand បានឲ្យដឹងថា ថ្លៃសេវាកំពុងត្រូវបានកាត់បន្ថយពី ១,៣០០ បាត (៣៨.៤៥ ដុល្លារ) មក ១,០០០ បាត (២៩.៥០ ដុល្លារ) ក្នុងគោលបំណងដើម្បីលើកទឹកចិត្តឲ្យមានការធ្វើតេស្តត្រឹមត្រូវបន្ថែមទៀត ខណៈដែលមន្ត្រីនៅ តែមានការប្រុងប្រយ័ត្នសម្រាប់ការមកដល់នៃវីរុសបំប្លែងខ្លួន Omicron ។
ទន្ទឹមនឹងនេះ លោកវេជ្ជបណ្ឌិត Supphakit Siriluck មកពីនាយកដ្ឋាន DMS បានបញ្ជាក់ថា “ការធ្វើតេស្ត PCR នៅ តែជាមធ្យោបាយត្រឹមត្រូវបំផុតក្នុងការរកឃើញកូវីដយ៉ាងឆាប់រហ័ស ។ PCR គឺជាវិធីសាស្រ្តដែលត្រូវបានណែនាំដោយអង្គការសុខភាពពិភពលោក (WHO) ព្រោះវាអាចរកឃើញមេរោគថ្មីយ៉ាងត្រឹមត្រូវចំពោះអ្នកជំងឺក្នុងរយៈពេលតែប៉ុន្មានម៉ោងប៉ុណ្ណោះ” ។
លោកបាននិយាយថា “ការកាត់ថ្លៃតេស្តនេះគឺដើម្បីឲ្យប្រជាជនចូលមកធ្វើតេស្តក្នុងករណីសង្ស័យ និងដឹងកាន់តែថាវាជាវីរុស Omicron ឬក៏យ៉ាងណា ។ នាយកដ្ឋានបាននឹងកំពុងត្រួតពិនិត្យវីរុសបំប្លែងខ្លួន Omicron ដែលរីករាលដាលទូទាំងពិភពលោកតាមរយៈប្រភពផ្សេងៗ ។ យើងនឹងជូនដំណឹងដល់សាធារណជនភ្លាមៗ ប្រសិនបើករណីវីរុស Omicron ណាមួយត្រូវបានរកឃើញនៅ ក្នុងប្រទេស” ។
បច្ចុប្បន្នមន្ត្រីរដ្ឋាភិបាលកំពុងព្យាយាមតាមដានអ្នកធ្វើដំណើររាប់រយនាក់ដែលបានមកដល់ប្រទេសនានាក្នុងទ្វីបអាហ្រ្វិក ចាប់តាំងពីថ្ងៃទី ១៥ ខែវិច្ឆិកា ហើយអ្នកធ្វើដំណើរទាំងនោះកំពុងត្រូវបានជំរុញឲ្យទៅ ធ្វើតេស្តម៉ាស៊ីន PCR ដោយឥតគិតថ្លៃ ៕
ប្រែសម្រួលដោយ ៖ ជីវ័ន្ត
ប្រភព ៖ Thaiger
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង