ព័ត៌មានអន្ដរជាតិ
វៀតណាម ប្រឆាំងជាថ្មីរាល់ការទាមទារខុសច្បាប់នៅសមុទ្រខាងកើត
វៀតណាមបានអះអាងជាថ្មីកាលពីថ្ងៃសៅរ៍ប្រឆាំងចំពោះការទាមទារទាំងអស់ដែលមិនសមស្របនឹងច្បាប់អន្តរជាតិ រួមទាំងអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) ។
ការបញ្ជាក់ជាថ្មីនេះត្រូវបានធ្វើឡើងដោយអ្នកនាំពាក្យក្រសួងការបរទេសលោកស្រី Le Thi Thu Hang នៅពេលដែលត្រូវបានស្នើសុំឲ្យធ្វើអត្ថាធិប្បាយលើការបោះពុម្ពផ្សាយឯកសារដែលសហរដ្ឋអាមេរិកបដិសេធការទាមទារ “ខ្សែបន្ទាត់ប្រាំបួន” របស់ចិននៅសមុទ្រខាងកើត ខណៈសមុទ្រមួយនេះត្រូវបានគេស្គាល់ជាអន្តរជាតិថាជា សមុទ្រចិនខាងត្បូង ។
លោកស្រីបានថ្លែងថា វៀតណាមទទួលស្គាល់ការបោះពុម្ពរបាយការណ៍របស់ក្រសួងការបរទេសអាមេរិកដែលមានចំណងជើងថា ”ដែនកំណត់ក្នុងសមុទ្រលេខ ១៥០” ។ លោកស្រី Hang បានសង្កត់ធ្ងន់ថា ស្តីពីជម្លោះសមុទ្រខាងកើត វៀតណាមបានអះអាងម្តងហើយម្តងទៀតនូវទស្សនៈស្រប និងច្បាស់លាស់របស់ខ្លួនថា តែងតែប្រឆាំង និងមិនទទួលយកការទាមទារណាមួយដែលមិនស្របនឹងច្បាប់អន្តរជាតិ រួមទាំង UNCLOS ផងដែរនោះ ។
លោកស្រីបាននិយាយថា “វៀតណាមជាថ្មីម្តងទៀតស្នើឲ្យភាគីពាក់ព័ន្ធគោរពអធិបតេយ្យភាព សិទ្ធិអធិបតេយ្យភាព និងយុត្តាធិការរបស់វៀតណាមនៅសមុទ្រខាងកើត គោរពដំណើរការច្បាប់ និងការទូត អនុវត្តការរួមវិភាគទានសកម្ម និងសំខាន់ក្នុងការរក្សាសន្តិភាព ស្ថិរភាព សន្តិសុខ សុវត្ថិភាព សេរីភាពនៃដែនសមុទ្រ និងអាកាសចរណ៍ បូរណភាពនៃ UNCLOS និងបទបញ្ជាផ្អែកលើច្បាប់ ។
កាលពីថ្ងៃពុធ ការិយាល័យមហាសមុទ្រ និងកិច្ចការបរិស្ថានអន្តរជាតិ និងវិទ្យាសាស្ត្រនៃក្រសួងការបរទេសបានចេញផ្សាយឯកសារស្រាវជ្រាវដែលបាននិយាយថា ប្រទេសចិនបានទាមទារអធិបតេយ្យភាពដោយខុសច្បាប់ ឬទម្រង់មួយចំនួននៃ “យុត្តាធិការផ្តាច់មុខ” លើភាគច្រើននៃសមុទ្រខាងកើត ។
ឯកសារនេះបាននិយាយថា “ការទាមទារទាំងនេះធ្វើឲ្យខូចយ៉ាងធ្ងន់ធ្ងរដល់នីតិរដ្ឋនៅក្នុងមហាសមុទ្រ និងបទប្បញ្ញត្តិដែលត្រូវបានទទួលស្គាល់ជាសកលនៃច្បាប់អន្តរជាតិដែលឆ្លុះបញ្ចាំងនៅក្នុង UNCLOS” ។
ឯកសារដែលមាន ៤៧ ទំព័រគឺជាការធ្វើបច្ចុប្បន្នភាពនៃការសិក្សាឆ្នាំ ២០១៤ ដែលបានបដិសេធនូវអ្វីដែលហៅថា “ខ្សែបន្ទាត់ប្រាំបួន” របស់ចិននៅក្នុងសមុទ្រចិនខាងត្បូង ។ វានិយាយថា “ក្រសួងការបរទេសសហរដ្ឋអាមេរិកបន្តជំរុញឲ្យប្រទេសចិនបញ្ឈប់សកម្មភាពខុសច្បាប់ និងការបង្ខិតបង្ខំនៅសមុទ្រខាងកើត” ។
គួរបញ្ជាក់ថា “ខ្សែបន្ទាត់ប្រាំបួន” ដែលចិនទាញជាឯកតោភាគីដើម្បីទាមទារអធិបតេយ្យភាពមិនសមហេតុផលលើតំបន់ស្ទើរតែទាំងមូលនៃសមុទ្រខាងកើត ត្រូវបានប្រទេសជាច្រើនបដិសេធម្តងហើយម្តងទៀតផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ VNExpress
ចុចអាន ៖ ចិន បើកច្រកព្រំដែនមួយទៀតជាមួយ វៀតណាម ដើម្បីនាំចូលផ្លែឈើស្រស់ មុនចូលឆ្នាំថ្មី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ